طباعة

[أم عمر]

الحلقة الحادية عشرة : فرحان في الجامعة

فرحان الان في الشهر الاول من الفصل الاول من العام الدراسي ، مواد من متطلبات الكلية الى متطلبات الجامعة الاجبارية (عربي وانجليزي وما بعرف شو ) وهذه لقطات لاشياء صارت معاه اول شهر ( بعض الاخبار الواردة حصلت فعلا مع السنافر مما سمعت وشاهدت )

************
فرحان بحضر محاضرة فيزياء في مجمع القاعات العلمية ( هذا اللي حكينالكو عنه من قبل بيجي ورا البيو وجنب الايتي .. عفوا كلية الملك عبد الله الثاني لتكنولوجيا المعلومات " والله وصارلهم كلية " )
طبعا كان لازم نصرلكم المجمع العجيب
لونه اخضر ! بس تدفئته ماشي حالها .. الكولرات شغال نصها .. اما اماكن القاعات ففرحان تاه للاقى محاضرته ، بس طبعااااااااااااا هلا حفظ المكان مع بعض الاخطاء

دخل فرحان على كفتيريا العلمية يوم (وهو مييييييييت جوع ) سأل حاله متى يدفع ؟
قال خلص بنجرب
واقتحم الكفتيريا .. راح للزلمة
العامل بتفرج فيه
وفرحان بيتفرج كمان ، شو يطلب ؟؟؟؟؟؟
بعدين قال للعامل : شو عندكو؟
العامل : :hah: روح عند المحاسب هناك واساله وحاسب وتعال .... سنفور صح ؟
فرحان : :smile-31: حتى هذول بيعرفوا اني سنفور ؟
طبعااااااااااااااااااااااااااااااا
كل يوم فرحان كان يجرب سندوش غير لحد ما عرف طعمة تمه وصار يطلب اسكالوب !
*************************
فرحان قرر يروح عالنت يوم
دخل عالمختبر .. وراح قعد على جهاز !
نادى عليه الموظف: انت حجزت ؟؟؟؟؟؟
فرحان : شو؟
راح لعند الموظف الفهيم ..
طبعا هات الهوية
فرحان : طب ليش ؟ شو بدك بالهوية ؟
(فكر انها عقوبة او ما شابه )
الموظف : هاتها اعملك يوزر نيم .. بتحط frhورقمك الجامعي .. وروح على الكمبيوتر وحط باسورد (ما رح احكيها بلاش ما تستخدمو اسمه :dehaka: )


الظريف في الموضوع
انه يوم من الايام قرر فرحان يعمل حاله معلم .. واخد صاحبه السنفور " حسان " قال عشان يعملوله يوزر وباسورد ويصير زي فرحان فهمان !
دخلو عالمختبر
وعمل حسان اليوزر وعال العال
الموظف: انت حاجز ؟
فرحان : اه (على اساس انه هو عمل اليوزر زمان !!!!)
جرب فرحان يفوت .. ما زبط معاه !
راح للموظف
فرحان : عم بعطيني غير حاجز :smile-06:
الموظف: ما قلتلك انت حاجز .. بتقلي اه ؟؟؟؟؟؟؟؟؟؟؟:boxing:
((((((((المعلومة الناقضةعند فرحان انه لازم يحجز كل مرة حتى يقدر يفوت على يوزره وباسورده ... وخربت معاه وما طلع معلم قدام صاحبه !!!)))))))))
***************************
فرحان يتعرف على المكتبة
هذا فرحان سمع من الاكبر منه .. انه المكتبة هي ملاذ الاطباء في الامتحانات .. ولازم يفوت ويتعرف عليها
فات فرحان من الباب
واذا بشباب على جنب واقفين بيتفرجو فيه .. ولانه بتلفت يمين وشمال .. عرفو انه سنفور
صاروا يصرخو : اشلح الكندرة في موكيت
والثاني بيحكي: اه شكله سنفور مش عارف
الثالث: اشلح الكندرة وبعدين فوت

فرحان اللي على نياته شلح الكندرة وفات :do7ok: :do7ok: :do7ok: :do7ok: :do7ok: :do7ok: :do7ok: :do7ok: :do7ok: :do7ok: :do7ok: :do7ok: :do7ok: :do7ok: :do7ok: :do7ok: :do7ok:

(((((((((((((مساكين السنافر )))))))))))))))


****************************
يتبع

[jikzo]

ياي حلوة القصة 
يسلمو هالإيدين خالتو

بس خلي النهاية مفجعة وتعيسة وبتسم البدن 

[دمعة فلسطين]

واو شو هلحلو يا ام عمر
سلمت يداكي يا غالية

[maas2008]

موضوع جدا رائع اختي العزيزه ام عمر ... بصراحه انا متابع للموضوع بس بدون ردود علشان نترك الك المجال انها تكون الحلقات متتابعه بدون تقاطع صفحات ..

ننتظر الحلقات القادمه ...

[GOLD RING]

يسلمو حلو كتير رجاءا كمليها
بس عن جد هاد واقعنا

[أم عمر]

اهلا بالجميع
ونعتذر عن الانقطاع الاضطراري
وباذن الله نعود بحلقات جديدة وشيقة 

[أم عمر]

الحلقة الثانية عشرة : التعارف
نعم دخلنا في الشهر الثاني من دخول فرحان للجامعة
لا زالت المواقف الطريفة تحصل .. وفي كل مرة كان فرحان يواسي نفسه بان الحياة تعلم وعلّم وبالتاكيد فجميع الطلاب في الجامعة الاردنية مروا بمرحلة "السنفرة " وبالتاكيد جميعهم تعرضوا لما يتعرض له السنفور اثناء تجواله في شوارع الاردنية "الجميلة " ولكن غير المؤكد هل تعلم جميع الطلبة من هذه المواقف ؟ وماذا تعلموا ؟؟
براي فرحان الفهمان (صار طالب جامعي لازم يتفلسف ) السنفرة مرحلة كالشنكلة والخنشرة وبالتاكيد لكل مرحلة مواقف واحداث .. والذكي هو من يتعلم من اول مرة "السنفرة " ولا يبقى غبيا الى حين ان يصبح شرشبيلا ، ثم لماذا يصبح لون وجهي " احمر " و "اخضر " و "ازرق" ؟ انا في مكان جديد ومن حقي ان اتعرف عليه واخطىء (((هذا كلامه مع احد الزملاء )))

وبما ان فرحان اصبح فهمان حاليا فاليكم ما حدث :

فرحان بدا يكون صداقات "ماشاء الله "

كريم "صديق فرحان السنفور " : اما شو صار امبارح معي شغلة .. اشي من الاخر تمنيتك معي
فرحان : شو صار ؟
كريم : شفتلك بنت في شارع العلوم
فرحان : اه
كريم : والله البنت ماشي حالها هه .. بس يعني انت عارفني هالشغلات ما بتدخل عقلي
فرحان : اه عارفك  بس شو صار ؟
كريم : ولا شي كنت بطلع عالناس القاعدة فهي فكرتني بطلع فيها 
فرحان : طيب؟
كريم : وقفت قدامي .. اما شو طول ؟ بيهبل!
فرحان : اه (بلش فرحان يزهق )
كريم : بتقلي انت اي كلية ؟
فرحان :
كريم : قلتلها طب .. ما امبارح كان عندي لاب بيو وكنت حامل اللاب كوت
فرحان : طيب شو صار بعدين ؟
كريم : قالتلي انا بدرس ادارة اعمال
فرحان : طيب !
كريم: قلتلها اهلا وسهلا وظليت ماشي
فرحان : هذا الكلام المزبوط .. بس ليش ما طنشتها من الاول ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!! (سؤال منطقي)
كريم : ما بعرف ! هي فاجأتني .. بس انا شو بدي ببنت من الادارة بالله ؟
فرحان : هسا عشان هيك ما حكيت معها .. لانها ادارة ؟ 
كريم : انت عارفني ما بحب هالشغلات وبحالي .. بس يعني لو اجا عبالي يوم وصرت احب الحكي مش رح احكي مع وحدة ادارة .. شغل عقلك يا معلم
فرحان : اجا عبالك !
كريم : ييييوووووووووووووووووووه الحق علي اللي حكيتلك
فرحان : لا لا تعصب ..
كريم : ما انت بتحكي مع الواحد زي كانه عامل جرم .. ما بقلك هي اللي اجت مش انا اللي رحت احكي
فرحان : اخ من بنات هالايام .. بس شوف لا تعطيهم عين ما بيسترجوا
كريم : شو بشوفك مجرب ؟
فرحان : لااااااااااااااااا شو مجرب وما مجرب .. بس عنا بحارتنا البنات كانوا دايرين وراي .. قرفوا عيشتي  ومع التطنيش بطلوا يسترجوا .. فبالجامعة نفس الحال
كريم : والله ما عرفتك 
فرحان : والله اذا حكيت مع هاي وهاي .. مش رح تدرس كلمة .. انت فاضي ؟ ما وراك بلاوي .. انا هيك ويلا يلا ممشي .. بدك احكي واحب ؟
كريم : والله يا صاحبي مع الوقت رح تتغير انت لسا ما شفت اشي
فرحان : يعني انت ناوي تتغير 
كريم : احنا بالجامعة مش بحارتكم .. بكرة مع الوقت بتشوف
فرحان  : والله ؟ انا بالجامعة جاي ادرس مش جاي العب
كريم : والله ؟ بكرة بتشوف ..انا ليش يحكي .. الايام جاية وبتشوف 

***************
يتبع

[فلسطين امل والم]

عن جد حلوة يسلمو هالايدين يا رب