طباعة

[أم عمر]

السلام عليكم ورحمة الله وبركاته
 
جميعنا (المفروض) مر بمرحلة السنفرة ويحمل في ذكرياته الامور السعيدة والطريفة او المؤلمة والحزينة
 
وهنا سنذكر يوميات سنفور "المثالي"
 
طبعا على امل مشاركاتكم معي في هذه اليوميات التي تتكون مما شاهدت او سمعت او قرات او من وحي الخيال !
 
 
تابعونا
 
أم عمر

[أم عمر]

الحلقة الاولى ::::

(طلعوا النتائج يابه ) :icon6:
 
 
برن التلفون من صباحية ربنا .. وعائلة ام محمود نايمين بسابع نومة باستثناء فرحان اللي ما عرف ينام لما قالوا النتائج بكرة !!
 
فرحان : آلو ... آلو ... ولك احكي يا بطيخ .. شو طلعوا النتائج .؟؟؟ كم العلامة ؟؟؟ رحت عالمدرسة
المتصل : آآآآآآآآآآآآلو .. مرحبا يا خالتي .. امك موجودة ؟
فرحان : :smile-06: آه بس نايمة .. مين انت ؟
المتصلة : ما عرفتني يا خالتي .. انا ام سعيد جارتكم
فرحان : اهلين :smile-31: ، بس امي نايمة
المتصلة : طيب قلها اني بستناها عشان نروح لعند ام محمد ولدت كنتها !!!!
فرحان : طيييييييييييب
وانتهى التلفون
 
فرحان :: اااااااااااااوف _يخبط السماعة _ شو هالعالم من الساعة 7 بدها ام بطيخ وام زفت .. شو هالناس هاذي
 
 
ويرن التلفون مرة اخرى
 
فرحااااان : آآآآآآآآآآآآآلو
سلمان : آلو فرحان ، كيفك ؟ ما طلعوا النتائج صح ؟؟ اتصلت بسعيد وقاللي انه النتائج بيطلعوا الجمعة الجاي
فرحان : لا بتمزح ؟؟ انا مش رايق لمزحك هه
سلمان : وراح احمد عالمدرسةولاقاها مسكرة .. انت من وين جبت خبر انه النتائج اليوم ؟
فرحان : من مين يعني ؟ من خالي .. حكاله ابن اخو مرته انه النتائج اليوم
سلمان : تعيش وتوكل غيرها .. ما في نتائج ولا غيره ، تصبح على خير
 
انتهى التلفون
 
 
 
(((((الجمعة اللي بعدها )))))
من الصبح طبعا وبدوووووون نوم :
طبعا فرحان هلا فرحان .. معدله طلع 95.99 %
 
يابه ..يمه .. اصحو اصحوا (الساعة 5:30 )
طلعوا النتائج ..طلعوا
الاب : اه يابه .. وطيت راسي ولا رفعته ؟
فرحان : 95.99
والام تطلق زغرررررررودة
اويها وفرحان نجح
اويها ورفع راسنا
اويها ويا ناس صلوا عالنبي
اويها وفرحان صار دكتور
اويها وخزق عيون كايدينا ..
لللللللللللللللللللللللللللللللللليشششششششش
 
 
وبدت التلفونات ترن بالبيت
(طبعا بيوم النتائج .. الاتصالات الاردنية بتنبسط
وفاست لينك ..بتسكر وبتبطل تجاوب
وموبايلكم .. بتنعطب
بتضل امنية واكسبرس شغالين نص نص
والرصيد بيخلص 200% والفاتورة بتطلع 200دينار
بس يلا خلوا الناس تنبسط هو كل يوم في توجيهي ؟ )
 
 
ام خالد : آآآآآلو  .. لللللللللللللليش
ام محمود : هلا هلا
ام خالد : والله 100 مبروك .. رفع راسنا بالعشيرة فرحان الله يخليلك اياه
ام محمود : الله يسلمك
ام خالد : وشو ناوي يدرس ؟ :smile-33: !!!!!!!!!!!!!!!!!!!!!!!!!!!!!!!!!1
ام محمود: !!!!!!!!!!!! طب اكيد !!!!!!!!!!!!!!:rolleyes(
ام خالد: وبيطلعله ؟
ام محمود : وليش ما بده يطلعله؟؟؟ بدرسه على حسابي المهم ارفع راسي ويقولوا هاذي ام الدكتور
ام خالد : ايه الله يخليه (حسدا )
ام محمود :ويخليلك ولادك
ام خالد :امتى بدنا نوكل حلوان النجاح ؟؟
ام محمود : بنبقى بنخبرك
ام خالد : طيب سلام
ام محمود : الله معك
 
 
في وقت لاحق من النهار :
فرحان : آلووووووووووووووووووووووووو
سلمان : ايوا ..ليش بتصرخ يا زلمة ؟
فرحان : نزلوا النتائج ما دريت ؟
سلمان : اه بعرف .. بس نتيجتي زي ال...
فرحان : ليش ؟ كم جبت ؟
سلمان : يعني عامل حالك مش عارف ؟؟؟ شو بتتخوث علي ؟ ولا شماته ؟؟؟ يا حوينة الصحبة فيك
(ويغلق الخط في وجه فرحان !)
 
 
ابو سليم : ااااااااالو
فرحان : الو هلا عمي
ابو سليم : والله يا فرحان رفعت راسنا
فرحان : الله يخليك
ابو سليم :شو وين ابوك ؟
فرحان : يلا اناديه
يابا ..يا با .. عمي ابو سليم عالتلفون
 
ابو محمود : الو
ابو سليم : شو هذا ابنك فرحان .. كسر الرقم القياسي
ابو محمود : ااااااه  (ماشاء الله )
اب سليم : انا حكيت اتصل فيك اباركلك .. يلا مبروك .. وبنزورك اليوم المسا .. اكيد فاضين !!!
ابو محمود : اهلا وسهلا
ابو سليم : بالمهلي ... عالساعة 8 بنكون عندك انا والشباب ..يلا سلام
وبسكر السماعة !!!
 
 
 
يتبع أكل الحلوان :dance:

[ملك اليرموك]

ابدعتي يا أم عمر

[أم عمر]

هلا ملك اليرموك

لسااااااااااا
حتشوف كمان

بس تابع الموضوع



مشكوووووووور على مرورك (بلشت اتفائل )

[computer]

سلام

كتيييييييييييررررررررررررررررررررر حلو  عيشتينا بالوضع كلو :rolleyes(

يلا بدنا التكملة

بتجنيني يا ام عمر:fing02: :fing02:

[ام العيون الجريئة]

دايما بهل قصص المهم عندهم الحلوان .. :vb_conten

ما لقيتي تخلصي القصه الا عند الحلوان .. :smile-09:

عم نستنى الحلقه التانية نشوف شو حلاهم .. :dance:

بس يسلموو اكتير حلوه .. :fing02:

يعطيكي العافية  :dance:

[شدو الشهادة]

ما شاء الله عليكي حبيبتي ام عمر ... عنجد انك أبدعت .!!
بس كتيير شوقتينا حتى نعرف التكملة... يا ريت تكمليها بأقلاب وقت.

[أم عمر]

الله محيي اصلكم

والله شجعتوني اكمل :dance:
ما كنت متوقعة تعجبكم عالقد :love2:
 
رح اكملها اليوم مسوية باذن الله
(بتعرفوا المسا بتطلع المواهب :icon6: )
 
 
ويسلموووووووووو كتير على عباراتكم الرائعة  ..
اخجلتم تواضعنا :rolleyes(

[أم عمر]

الحلقة الثانية
 
( هييييييييييييييي ياعالم يا هو .. فرحان نجح:dance: )
 
 
 
يوم طلوع النتائج الساعة 7
ابو محمود بستنى بالعيلة الكريمة حتى ييجوا لاكل الحلوان
ام محمود بترتب بالبيت (كالعااااااااادة بتطلع براس الامهات الله يعينهم )
خوات محمود بالصالون بزبطوا بشعرهم والميك اب وووووووو
خوان محمود طلعوا يشتروا الحلوان وووووو
والمسجل على اعلى صوت بالبيت والحارة اندوشت :Alo:
 
 
ويدق الجرس :
وزغرودة اردنية مرتبة من ثم ام وليد عمة فرحان
وطبلة بايد بنتها
وبلشوا من الباب يعملوا (زفة !!!)
 
وابو عدنان بايده هالبارودة ... ويضربلكو 10 فشكات بالهوا
 
 
ام وليد : فرحاااااااااان تعال يا عمتي تعال .. رفعت راسي الله يرفع راسك
فرحان :هلا عمتي .. والله وهلا فيك .. وووو ( تبادلوا القبلات )
ام وليد : وعقبال ما نفرح بجوازك ..بس بعد ما تجيب شهادة الدكترة !!
فرحان : بوجودك
 
____ بلا طولة سيرة .. عارفين انتو الكلام اللي رح يصير بين كل عمة وفرحان وبين كل افراد العيلة __________
 
قعدوا العاااااااااااااالم
 
(عيلة ابو محمود عائلة محافظة شانها شان عائلاتنا الاردنية ,,, فالجلسة مفصولة :cool(1): )
 
قعدة النسوان :::
بنت ام الوليد ماسكة هالطبلة ونازلة خبط (ادييها صاروا بندورة الله وكيلكم )
وام الوليد مستلمة الاغاني والاهازيج الاردنية الاصيلة
ومعها خواتها بعيدو وراها
اما الصبايا .. فقاعدات وفاتحات مسجل ومشغلات ( ....) للمطربة ( .....) ونازلات رقص :seehearno
 
طبعا ام محمود وبناتها عم بضيفو ضيافاتهم المعتادة لانه الحلوان تأخر
(7999تلفون للفاست لينك بين ام محمود وابنها محمود اللي طلع يجيب صدروة الكنافة .. وحضرته تاخر :vb_mad2: )
 
 
وصل الحلوان ومحمود من باب الحارة بلش يزمر
(مع ملاحظة انه هذا مش الحلوان لانه بنفس اليوم ..:fing02: )
 
 
وبدت ام محمود وبناتها يشيلوا بهالكنافة ويوزعو
بس شو كنافة .. اشي توصاية مرتبه من عند (......)
 
ام محمود : تفضلوووو يا جماعة عقبال ولادكو وبناتكو
ام وليد "قائدة الحفلة " : والله تسلمي .. هذا فرحان زي ابنا ما كان لازم تغلبو حالكو ((((((طبعا كلمة وبتنحكى بس لو ما طعموها الحلوان كان انمسح فيهم شوارع الاردن كلها !!))))
ام عدنان : الله يسلملك ولادك يا ام محمود
واويها ويا فرحان يا ابننا
اويها وفرحتنا من قلبنا
اويها وفرحتك في ديرتنا
اويها ونفرحلك في عروستك ونحنيها
للللللللللللليش
 
 
ام سليم : والله يا خيتي فرحتلك من قلبي ويطلعله طب ويرفع راسك كمان وكمان
 
ام محمود : قولي ان شاء الله
ام سليم :vb_belive ان شاءالله
 
.......
 
قعدة الرجال ::::::
ابو سليم :: ترا يا فرحان ما بتدخل غير طب ولا لا انا عمك ولا بعرفك
فرحان : ان شاء الله بيطلعلي يا عم ان شاء الله
ابو وليد : ترا يا ابو سليم الطب بده معدل اعلى انا بقول يفوتله شي تخصص من هالتخصصات الجديدة احسنله من هم الطب
ابو محمود : لاااااااااااااااااا.. قول والله ؟ لا يا خوي انا ابني ما بدخل غير طب
ابو وليد : اكيد الطب منيح وبرفع الراس بس يا خوي ما بيطلعله طب وهيك رح تكت اللي فوقك واللي تحتك
ابو محمود : رووووووح امشي .. قال بكلف قال .. لو عندك ابن شاطر زي ابني كان دفعت دم قلبك ودرسته
ابو وليد : لا والله ، يدرسله شي شغلة منيحة وافتحله مصلحة احسن من 100 طب وهم قلب
ابو محمود : هه .. شوف بالله على هالحكي .. مصلحة وابصر شو كمان !
ابو محمد : والله فرحان يجيب هالمعدل وبعدين بدك يا ابو وليد تعمله مصلحة ؟؟ اتقي الله يا زلمة
ابو وليد : بلا هم ال7 سنين .. وبعديها ما تلاقي فرنك تجوزه
ابو محمد : الله كريم ..
ابو وليد : الله كريم ، بس الواحد لازم يشغل عقله
ابو محمد : اي هو انت دافع من جيبتك ؟ بده يدرس ابنه .. خليه يدرسه انت ليش زعلان ؟
ابو وليد : انا نصحتك يا خوي يا ابو محمود وانت حر
ابو محمود : مردودة عليك
محمود (وبايده صحن كنافة معبى ) : :vb_avatar فكونا من هالسيرة وتفضلو كلو كلو
 
 
............
 
ابو محمود : ترى يا جماعة يوم الجمعة الجاي غداكو عنا
ابو وليد : ان شاء الله بنتشرف
ابو محمد : اكيد
ابو محمود : والله بتشرفونا يا جماعة
او عدنان : وتفرح ببقية ولادك يا رب .. وبعرس محمود
ابو محمود : تسلم
 
.................
 
هلا بدنا نحكي حكي اهل الحارة عن سهرة دار ابو محمود
 
دار ابو خالد :::
- اييييييييهي صرعونا بحفلتهم .. تقولو ما حد نجح غير ابنهم !
- ام خالد : اي خلوا الناس تفرح .. بكرة لما تنجح ولاء لاعمللها حفلة يوصل صوتها لرغدان
 
دار ابو سليمان (الشب اللي رسب ):::
- ناس ما بتستحي
- شايف بالله .. ولا يقولو في غيرهم زعلان !
- والله يا حوينة الجيرة فيهم
 
(طبعا في بيت ابو سليمان فاتحين عزا محترم ... وعم بوزعوا قهوة مرّة :do7ok: تقولو ما حد رسب غيره !!!)
 
 
دار ابو منصور :::
(ابنهم جايب 67:smile-31: وعاملين حفلة اكبر من حفلة دار ابو محمود فلا سامعين ولا عارفين بفرحان :hah:  )
 
دار ابو عبد الحميد :::
- ايييييييييييييييييه شايفة يا ام عبد الحميد .. شايفة لوكان عبد الحميد موجود هلا
- ام عبد الحميد : وكل الله يا زلمة ... هذا تقدير من رب العالمين
- ايه .. ونعم بالله
-ام عبد الحميد :: الله يرحمه ويغفر له
ابو عبد الحميد : امين
 
(ام عبد الحميد وابو عبد الحميد ابنهم توفى قبل ما يكمل صف عاشر وهو وحيدهم  )
 
 
دار للعرسان الجداد :::wedding:
العروس : عقبال يا حبيبي ييجينا ولاد ونفرح فيهم زي دار ابو محمود
العريس: اه والله .. ويطلع شاطر زي فرحان
العروس : وندرسه طب
العريس : ونطلعه على امريكا يكمل اختصاص
العروس : ويرجع يفتح عيادة
العريس : يااااااااارب
 
 
.....
 
 
 
يتبع يوم الجمعة وتقديم الطلبات

[أم عمر]

شكرا على التثبيت :icon6:
 
ما توقعت يتثبت  :rolleyes(
شكرا على دعمكم يا سعادة المشرف


تحياتي
أم عمر

[cauchy]

روعة  يمّا:fing02:



قصدي  ماما :fing02:  





قصدي  ام  عمر:fing02:







قصدي  اخت  ام  عمر:fing02:







عنجد



:fing02: :fing02: :fing02: :fing02:



من  الاااااااااااااخر:fing02: :fing02: :fing02:





وانا  بستنى  منك  التكملة:rolleyes( :rolleyes( :rolleyes(  







خيّك

كوشي ( عمر مساعفة )

[ام العيون الجريئة]

ما شاء الله .. ما شاء الله ..

رح نستنى ليوم الجمعه الباقي ..

يعطيكي العافية..

تاليف روعه ..
وخاصة قعدة النسوان اووووه بتجنن ..

[stimulating28]

روعه    :fing02:

 موضوع ممتاز جدا   :fing02:

 شكرا أم عمر    :icon6: :icon6:

[أم عمر]

اهلا خيي عمر

بعض مما لديكم :(2):
وان شاء الله رح اكملها ...
ومشكوووور على مرورك الكريم :fing02:
 
 
 
 
ام العيون الجريئة ..
تسلمي حبيبتي :hug:
بس شو جمعة؟؟!!!
حرام عليك.. ان شاء الله بتنزل هاليومين .. بس لنزبط قعدة الشاي :rface:
 
 
 
stimulating28
عفوا :icon6:
 
 
تابعوووونا ما بطول :cool(1):
(ان شاء الله )
 
 
خيتكم عطووول
أم عمر

[ahlam]

شي كثير حلو
الله يعطيك العافيه ما قصرت بنستمنى التكميله