طباعة

[هازار]

بصفتي طالبة تقنيات سمع ونطق....وبما انه هالتخصص جديد نوعا ما, وكثييييييييييييييييييير من الناس ما بيعرف شو لزومه....حبيت اعمل هالموضوع اللي راح تلاقوا فيه كل شي ممكن يخطر ببالكم عن السمع والنطق (مشاكل ,امراض,تعريفات,نصائح.,,,الخ)

واللي عنده اي اسئلة سواء بشكل عام او عن حالة معينة اهلا وسهلا فيه ولا تتردد في طرح اي مشاركة او استفسار او حتى نقد

وهلا بالجميع :hug:  :hug:

[هازار]

تعرف الاعاقة السمعية بعدم القدرة على السمع قد تتراوح في حدتها من بسيطة مرورا بالمتوسطة والشديدة الى العميقة ، بالاضافة الى الصمم ويعرف سميث ( smith) ثقيل السمع (hard of hearing ) او الشخص الذي لديه صعوبة في السمع على انه الشخص الذي لديه بقايا سمعية كافية والتي تمكنه من خلال استعمال المعينة السمعية الى فهم حديث الآخرين والتواصل معهم شفويا فيرى ان ثقيل السمع هو ذلك الشخص الذي يتراوح مقدار فقدان السمعي لديه ما بين 35- 69 ديسبل .

 
انواع الاعاقة السمعية type of hearing impairment

تقسم انواع الاعاقة السمعية بما يلي :

1- ضعف سمع توصيلي : (conductive hearing loss وينجم عن خلل في طريقة التوصيل لعضو السمع . ويؤثر على وصول الأصوات الى العصب السمعي ، وهذا الخلل يكون في الأذن الخارجية او الوسطى .

وضعف السمع التوصيلي هو من أكثر انواع الفقدان السمعي شيوعا بين الأطفال وينتج غالبا عن اصابات الأذن المستمرة . وعندما يكون مسار التوصيل الهوائي في قناة الأذن الخارجية والأذن الوسطى مسدودا او مغلقا بشكل كلي بالمادة الصمغية او الشمعية او بمعيقات اخرى ، او وجود سوائل خلف الطبلة ( الأذن الوسطى ) .

العلاج : أغلب الاعاقات السمعية التوصيلية تعالج بشكل طبي او جراحي ويمكن للسمع ان يعود الى وضعه الطبيعي .

2- ضعف السمع الحسي - العصبي .

(sensorineural hearing loss ) تحدث الاعاقة السمعية الحس عصبية عندما يكون ضرر او تحطم يصيب الأذن الداخلية في القوقعة حيث يكون الخلل والتحطيم بالخلايا الشعرية الموجودة بها او يكون ضرر في الأعصاب السمعية في الممرات العليا وهذا العصب الثامن. هناك اختبارات سمعية فسيولوجية مثل الفحص السمعي القوقعي وقياسات جذع الدماغ والتخطيط الالكتروني للقوقعة للتمييز بشكل واضح بين الاعاقة السمعية العصبية والحسية .

العلاج : علاج الضعف السمعي الحسي - العصبي عن طريق معينات سمعية او زراعة قوقعة . أما الفقدان السمعي الحسي العصبي فهو فقدان دائم وغير قابل للاصلاح او العلاج.

3- الضعف السمعي المختلط ( mixed hearing loss ) هو وجود قصور في طريق التوصيل والمسار الحس عصبي .

[هازار]

اسباب الاعاقة السمعية

ان من اسباب ضعف السمع التوصيلي هو اضطراب في الاذن الخارجية والاذن الوسطى :

اضرابات الاذن الخارجية :

1- تشوهات صيوان الاذن (auricular malformation ) وهي تشوهات خلقية منذ الولادة في صيوان الاذن وتشمل

- صغر غير طبيعي لصيوان الاذن وتسمى smith micrtia

- انحراف الصيوان عن وضعه الطبيعي (melotia )

- اختفاء الصيوان (anotia )

2- اختفاء قناة السمع الخارجية ( atresia)

الاختفاء الخلقي لقناة السمع الخارجية والانغلاق قد يكون في اي موقع من القناة .

المادة الشمعية

(wax )

مادة شمعية تفرزها الاذن وتتجمع في قناة السمع الخارجية . وهذه المادة تعتبر كمادة حماية لقناة الاذن وطبلة الاذن ولكن تجمع المادة الشمعية يسبب فقدانا سمعيا توصيليا بسيطا غالبا ما يعالج من خلال قطرة الأذن لتحلل المادة المتجمعة من أجل اخراجها من الأذن .

اضطرابات الاذن الوسطى

1- ثقب طبلة الاذن ( tympanic membrance perforation ) يحدث ثقب طبلة الأذن من خلال تعرضها للصدمات او الاصابات او الالتهابات في الاذن الوسطى هناك ثلاثة انواع لثقب الطبلة :

أ) الثقب المركزي : يصيب الجزء الأكبر والأكثر صلابة

ب) الثقب البسيط : يصيب الجزء الأصغر في الجزء الاعلى من الطبلة .

ج ) الثقب الحامي : يقع على حافة الطبلة

2- التهابات الاذن الوسطى (otitis media)

التهابات الأذن الوسطى من اكثر الاسباب المسؤولة عن الضعف السمعي التوصيلي عند الأطفال وذلك بسبب عدم قيام قناة استاكيوس بوظيفتها 76-95% من الأطفال يصابون بالتهابات الأذن الوسطى ويبلغ ذروته عند سن عامين ويتناقص تدريجيا مع تقدم العمر .

الالتهابات المزمنه للاذن الوسطى تلحق اضرارا بالغة في فقدان سمع توصيلي دائما او حتى حسي عصبي . تعالج التهابات الاذن الوسطى بمضادات حيوية وفي بعض الحالات المتقدمة التي لا تستجيب للعلاج تعالج جراحيا

3- تصلب عظيمة الركاب (otosclerosis ) تصلب عظيمة الركاب ناجم عن اضطراب في نمو عظمه تؤثر على الركاب وعلى الاذن الداخلية .

[M@ZEN]

وهذه المادة تعتبر كمادة حماية لقناة الاذن وطبلة الاذن ولكن تجمع المادة الشمعية يسبب فقدانا سمعيا توصيليا بسيطا

يوم من الأيام كان عندي هالحالة
يعني كنت Smith :vb_conten

تشكرين يا أخت هازار على الموضوع
و الله مفيد جداً

[هازار]

يوم من الأيام كان عندي هالحالة
يعني كنت Smith :vb_conten

 
له له له

وعدت على خير ان شا الله؟؟؟؟

 

تشكرين يا أخت هازار على الموضوع
و الله مفيد جداً

 
العفو يا اخ مازن

هلا بيك

[هازار]

معينات سمعية...

سماعة الأذن

ما هي سماعة الأذن ؟
هي جهاز يساعد ضعيف السمع على تعويض ما قد فقده من سمع طبيعي ، درجة المساعدة تعتمد على شدة فقدان السمع ، ويتم التوصية به من قبل أخصائي السمعيات بعد اجراء فحوصا خاصة . وانواع سماعات الأذن متعددة وينبغي التقيد بتوصيات أخصائي السمعيات ، فهو المهني الوحيد المرخص له طبيا بمزاولة الفحص ووصف السمعيات والتأهيل .




كيف تعمل السماعة ؟

سماعة الأذن بعبارة أخرى هي مضخم للأصوات المستقبلة عبر مكوناتها ، تمكن المريض من سماع الأصوات بدرجة أعلى لكن لا تعيد السمع الى طبيعته كما هي النظارات لضعاف النظر . تتكون من اربعة اجزاء رئيسية هي : المايكروفون والمكبر والبطارية والمستقبل . المايكرفون يلتقط الصوت الخارجي ويستقبله ويحوله الى الاشارة الكهربائية المكبر يستخدم طاقته من البطارية ليجعل درجة الاشارة الكهربائية أعلى ، والمستقبل يحول الاشارة الكهربائية الى صوت مكبر عبر القالب الموضوع حول القناة الخارجية للأذن .

[هازار]

كيف يتم فحص السمع ؟



1- يفحص طبيب الانف والاذن والحنجرة الاذن وطبيعتها والمشاكل المتعلقة بالدم في المختبر ، أو فحوص اشعاعية ..

2- يفحص أخصائي السمعيات(يعني انا مستقبلا ان شاء الله :(2): ) السمع والأذن وما يتعلق بها بأجهزة في غاية الدقة والتطور ، لتحديد المشكلة ولوصف السماعة اذا تطلب الامر .



كيف تلبس السماعة ؟



الطريقة الاولى : لتركيب السماعة في الاذن عليك ان تشد الاذن للخلف وسحبها للخارج وللاسفل وباليد الاخرى ضع القالب في تجويف الاذن وادفع طرف القالب الى قناة الأذن وبقية القالب لتجويف الأذن حتى يصبح جزأ من الاذن ويشعر المريض بوضع مريح وغير مؤلم ويكون القالب محكماً .



الطريقة الثانية :



ادخل طرف القالب في قناة الأذن والطرف العلوي للقالب باتجاه العين . وعندها لف القالب للخلف حتى يكون طرف القالب والجزء العلوي داخل التجويف الأذني ويصبح القالب باكمله مثبتاً داخل تجويف الاذن وبدون الم .



كيف تستخدم السماعة لاول مرة ؟



1- ابدأ في مكان هادىء من دون ضوضاء .

2- التدرج من الأماكن الهادئة الى كثيرة الضوضاء .

3- الاستماع الى محادثة بسيطة بين شخصين

4- الاستماع لمصدر صوت في غرفة هادئة.

5- الاستماع الى لعبة تصدر صوتا

6- الاستماع للآخرين من مواقع ومسافات مختلفة

7- الاستماع لشخص يتكلم والى ما يجري .

8- الاستماع لتلفاز في غرفة هادئة .

9- الاستماع للآخرين أثناء فترة الغداء .

01- الاستماع لمحادثة ثلاثة اشخاص ثم اربعة

11- الاستماع في الخارج مثل شارع الحي .

21- الاستماع في السيارة والشباك مغلق

31- الاستماع في السيارة والشباك مفتوح

41- الاستماع في السوق او البقالة

51- الاستماع الى الآخرين في مناسبة عامة .

[هازار]

وللحديث بقية...........

[دمعة فلسطين]

يسلموا كتير كتير يا هازار
والله انك دايما بتفيدينا يسلموا كتير
واحنا ننتظر المزيد منكي

[الياس الخوري]

للامانه يا هازار هادا الموضوع من احسن الموضيع الي شفتها  في المنتدى ويا ريت اتكون المواضيع  الي جايا كلها هاك  فيها استفاده ومعرف وعلم .  وشكرا لا مجهودك الطيب.
طيب لاش احيانا الاطفال الصغار بطولو لما ايفسرو الكلام  هل بكون عاب عندهم ولا انو من الاهل امقصرين معاهم .

[هازار]

للامانه يا هازار هادا الموضوع من احسن الموضيع الي شفتها في المنتدى ويا ريت اتكون المواضيع الي جايا كلها هاك فيها استفاده ومعرف وعلم . .

يسلمو............اخجلتم تواضعنا

 

طيب لاش احيانا الاطفال الصغار بطولو لما ايفسرو الكلام هل بكون عاب عندهم ولا انو من الاهل امقصرين معاهم .

اسباب مختلفةو كثيرة وما بقدر احددلك سبب معين لانه بيختلف من حالة لاخرى

ممكن يكون العيب في الطفل نفسه (عيب خلقي فيه او ممكن عدم ثقة او شيء اخر )

وممكن العيب في اهله...

اذا في حاله معينة اشرح لي اياها عشان  اعرف افيدك قدر الامكان


وشكرا لمرورك

[الديناصور]

يا عيني على تحفك يا هازار ... يسلموا هالأنامل ...

بس سؤال , شو أسباب التأخر في النطق , طفل عمره ثلاث سنوات مثلاً و بيحكي كلمات بسيطة و تراكيب بسيطة , يعني مش جمل أو ما بيعبر مزبوط ؟!

هل له علاقة بالقدرات العقلية ؟!
 
و مشكورة .

[هازار]

يا عيني على تحفك يا هازار ... يسلموا هالأنامل ....

يسلمو كثير خيو ديناصور....لو كل الديناصورات لطيفة ومزوقة زيك كان ما انقرضوا :vb_conten :vb_conten
 
 
 

بس سؤال , شو أسباب التأخر في النطق , طفل عمره ثلاث سنوات مثلاً و بيحكي كلمات بسيطة و تراكيب بسيطة , يعني مش جمل أو ما بيعبر مزبوط ؟!

هل له علاقة بالقدرات العقلية ؟!.

الحالة مش واضحة او مفصلة كتير
بس راح احاول قدر الامكان

اول شي بالنسبة انه اله علاقة بالقدرات العقلية او لا...الامر بيعتمد على اكثر من شي
فمثلا...اذا كان في في تاريخ عائلة هالطفل امراض بتاثر على القدرات العقلية..فهالشي بيزيد من احتمالية كون المشكلة متعلقة بالقدرات العقلية (بيزيد الاحتمالية لكن ما بأكد الشي)
واذا اني مش غلطانه اذا كان الشيء الوحيد الي مش طبيعي في الطفل هو تاخره في تكوين الجمل فما اله علاقة بالقدرات العقلية اطلاقا

الان...لو استبعدنا موضوع القدرات العقلية بيبقى عنا احتمالين
الاول: ان المشكلة مشكلة خوف او عدم ثقة بالنفس او خجل او انطواء
الثاني: ان المشكلة مشكلة في السمع اصلا مما أثر على نطق الطفل


بالنسبة للاحتمال الاول:

بتتكون هاي المشكلة عن كثيييييييييير من الاطفال خاصة بهالعمر...والسيطرة عليها وعلاجها بسيط ومقدور عليه اذا تعاون الاهل معنا
انا اذكر اني شفت طفل عمره اربع سنين وشوي وما كان يحكي الا كلمتين (بخبخ وشغلة ثانية شبهها بس مش متذكريتها) وبعد ما راعينا مشكلته بطلنا نعرف نسكت الولد

المشكلة بتكون ان الطفل بيخاف يحكي لانه ممكن في حدا بيعصب عليه او بيصرخ عليه او ممكن بضربه حتى اذا لفظ كلمه غلط او ممكن انه اهله (خاصة امه) بتضلها تقارن بينه وبين حد من اطفال العيلة اللي من جيله ..وتقول انه فلان اشطر منك بيحكي كويس  او مثلا بدي اجيب شيبس لفلان لانه حكا كويس وانت ما في الك(احيانا بيتهيء للام انه ابنها ما بيفهم هالحكي بس في الواقع هو بكون فاهم وبتحز بنفسه كمان لانه فعلا بكون بحاول بس مش زابطه معه)
او ممكن ان الطفل ما بدو يحكي لانه مستحي..هالشي بصير اكتر اذا كان عند الطفل اخوان اكبر منه لكنهم اطفال...فبيصيروا بدافع الغيرة يتمسخروا عليه لما يغلط بلفظ اي كلمة مما بأثر على ثقته بنفسه.

طيب.........كيف بدك تعرف اذا هاي هي المشكلة وللا لأ؟؟؟
بسيطة...راقب الطفل وهو بلعب لحاله يعني حطه بغرفه لحاله ومعاه العابه المفضلة ولا تحسسه انه مراقب
اذا كانت هاي هي مشكلته راح تشوف انه طول ما هو لحاله بكون يحكي احسن مني ومنك
وبمجرد ما يحس انه في حدا قرب ع الغرفة بسكت

ماشي....كيف تعالج المشكلة قبل ما تتفاقم؟؟؟

كمان بسيطة....كل ما الطفل يقول شي مهما كان بسيط...اعملوله حفلة... ...يعني مثلا قال (بابا راح على الشغل) ...اعملوله طنة ورنة كانه اخترع صاروخ واحكوا له شطور امّور...انت اشطر من فلان...او مثلا الام تحكيله بدي اتصل في البابا واقول له يجيبلك معه لعبة لانك حكيت هيك....ويعني على هالمنوال....وان شا الله مع الوقت بتنحل وبرجع الوضع كله طبيعي


الان.......اذا كانت المشكلة مش هون معناها في خوف على سمع الطفل....
انه يعني يكون ما بيسمع منيح مشان هيك ما بيعرف يحكي منيح
وهاي المشكلة بكون الواحد فيها في سباق مع الزمن....ليش؟؟
لسببين..الاول انه لازم تلحق المشكلة في السمع قبل ما تتفاقم
والثاني ..خاصة في مثل هاي الحالات..انه الطفل اذا صار عمره خمس سنين وهو مش متعلم اللغة الام بصير تعلمها امر صعب جدددددددا عليه حتى لو تعالجت مشكلة سمعه (زي ما احنا بنلاقي صعوبة في تعلم الانجليزية او الفرنسية)

وبالتالي....لاااااااااااااااااازم باسرع وقت ممكن تعمل فحص سمع للطفل للتاكد من سلامة سمعه
واذا لزم الامر انكم تركبوله سماعه علشان يتعود عليها ويقدر يسمع الكلام حواليه علشان يعرف يحكي


الخلاصة....مشكلة عدم الثقة او الخوف...ما بتخوف وبسيطة طول ما الاهل متعاونيين
ومشكلة السمع كمان سهلة وبسيطة اذا ما فات الاوان...ولهيك برجع بأكد على ضرورة الاسراع في عمل الفحص السمعي للطفل



ان شا الله اكون افدتك

وشكرا لمرورك
واذا في شي ما فهمته اسأل وان شا الله راح احاول اوضح اكتر

[الديناصور]

الصراحة يا هازار , كفيتي و وفيتي بعد هالرد المفصل , بس ,

الولد ما بيعاني من مشاكل سمع الحمد لله , و لا إنه زي ما تحكي مطفوس , هيوتو قاعد في حجري ( حنون أنا ) و بيتخوث ع الصور تبعات الـ (الإبتسامات) , و مش إنه بيستحي يعني كل العيلة ما بتقدرلوش , و نشيط كثير و مستهوي عالم السيارات , و هيو قاعد بيقرا معي زي اللي فاهم إشي عنجد , يعني الولد صاغ سليم ما فيش في إشي  ( اللهم لك الحمد ) , بس لهسة ما بيفش الغل في الحكي و مش مألوف عنا الأولاد يتأخروا في الحكي , فبصراحة إللي مخفف عقلي إنه الأطفال إلي مثله بيحكوا جمل مفيدة , بس هالمحترم مش متخرف خراف مفيد , يعني صرت أشك بعقلياته .

و خلص ما في داعي تغلبي حالك برد مفصل هلقد ( كيف بتحكوها مدني هاي هلقد ؟ بدي أتنجر !!!) , غلبتي حالك .

[هازار]

الصراحة يا هازار , كفيتي و وفيتي بعد هالرد المفصل , بس ,

الولد ما بيعاني من مشاكل سمع الحمد لله , و لا إنه زي ما تحكي مطفوس , هيوتو قاعد في حجري ( حنون أنا ) و بيتخوث ع الصور تبعات الـ (الإبتسامات) , و مش إنه بيستحي يعني كل العيلة ما بتقدرلوش , و نشيط كثير و مستهوي عالم السيارات , و هيو قاعد بيقرا معي زي اللي فاهم إشي عنجد , يعني الولد صاغ سليم ما فيش في إشي ( اللهم لك الحمد ) , بس لهسة ما بيفش الغل في الحكي و مش مألوف عنا الأولاد يتأخروا في الحكي , فبصراحة إللي مخفف عقلي إنه الأطفال إلي مثله بيحكوا جمل مفيدة , بس هالمحترم مش متخرف خراف مفيد , يعني صرت أشك بعقلياته .

و خلص ما في داعي تغلبي حالك برد مفصل هلقد ( كيف بتحكوها مدني هاي هلقد ؟ بدي أتنجر !!!) , غلبتي حالك .

 
 
طيب الحمد لله انه الولد ما فيو شي...بس انت خوفتني لما سالت انه اله علاقة بالقدرات العقلية...فكرت في شغلة بتخوف...اتاريه اسم الله عليه ما فيو شي

على كل حال لا غلبة ولا شي....والولد ما فيو شي وتاخره طبيعي في هالحاله وعلى فكرة لما يبلش يحكي جملة راح يبلش مرة وحده وبدون مقدمات

وبعدين شو قصتك مع المدني؟؟......اللي بسمع بفكرني مدنية....والله فلاحه بنت فلاحين

هلا بيك خيو.....وسلم لي على الامور....وبلاش تقعدوا معك ع النت بلاش يصير ديناصور تاني لاننا على واحد مش قادرين

هلا بيك هلا