طباعة

[القدسيه]

السلام عليكم ورحمة الله وبركاته :
 
 
السر هوه انه هالمنتدى صار ممل بشكل ما حدى يتوقعه .......................... هذا انطباعي ما ادري عنكم .....
 
 
 
بس يشوفه احد المشرفين رح يحذفوووووا الموضوع وصاحبته ... بس هذا رايي وخلووونا نعبر عن اراءنا يا امة يا عربية يا( ديموقرتطية .)... على فكرة من كثر الديموقراطية اللي عايشينها ما عرفت اكتبها بالاول .... ديموقراطية ...

[ام العيون الجريئة]

هو اكتييييييير ممل لانه الجمعة والسبت ما حد بكون من الشعب العربي ....

اما بقية الايام يا دوب ع 6 وبعدين خلص الكل بختفي ....

يمكن لانه كل الي مشتركين في بالجامعة وكلهم بشتركو من اشتراك الجامعة ...

الله يكون بالعوووون ...

بعدين اطمني يا قدسيه سرك ببير  :eyebrows:  ما حد رح يشوفه غير الاعضاء واشوي من لضيوف امنيح هيك  

[الأزعر]

كويس الي بتشوفونا خمس ايام في الاسبوع  ... ولحتى الساعه 6
 
بس يخلص الصيفي ... مش رح يبين حدى يعني 40 يوم ...المنتدى فاضي
 
هاظ عن حالي انا مش مداوم في المنتدى في العطله بدي اخذ اجازة من كل اشي
اجازة اجباريه ....
 
يعني لحقوا حالكم مش ظايل غير 3 اسابيع  ... وبعدين كلنا ابنختفي .....
 
و لأني ديمكراتي مش رح احذف الموضوع ..... خلي الشعب يعيش

[القدسيه]

شكرا للمرور يا مها والازعر ....
 
بس والله صج احكي المنتدى صاير ممل وبعدين انا عتبانه على مدير المنتديات عمر يعني هوه لازم يكون له مشاركة كبيرة في المنتدى ....
 
يسلمووووو عالمرور

[mkmalkawi]

ممكن يكون هيك لكن شو رأيك السبب .

انا برأيي أنه المشاركن ثابتين وما في حد جديد والوجوه هي هي ( الأزعر ، أبو فارس ، أم الهيون الجريئة ، بنت المرح ، MKmalkawi  ، القدسية ، .... ) ومهما كانوا لكن عددهم قليل .

[Eng_E]

مللتوني


يعني هيكم هون


ليش ممل؟؟؟؟؟؟؟؟؟؟؟


أما ملل

[عمر]

فعلا معك حق.. بس هيك انت كشفتي سرنا ..

والله للأسف هناك ظروف جبارة ، واحوال قاهرة ، حطت من مستوى المنتدى . ومعك حق في لومي فهذا الفصل الصيفي ... أخ بس ، شو نحكي ،، الله يجعله يخلص بس ونرتاح منه..

ولكن كما يقال : لكل جواد كبوة .. واعتبروها هاي كبوة منتدياتنا.. وبما انه اقتربت السنة الاولى للمنتدى على الانتهاء ففي بداية السنة الجديدة ، سيكون هناك تغيير شامل على المنتدى.. سواء من جهة هيكيلة المنتدى ، أو من جهة  تصميمه وأيضا من جهة نوعية المواضيع التي سوف يسمح بطرحها في المنتدى...

ولكن معلش ،، استحملونا هالفترة هاي بس،، واذا برضه حابيين تطلعوا من المنتدى ما راح نمنعكم ، على ان تعدونا ان تعودوا فورا (ركزوا على فورا) عندما يحدث التجديد..

مرة تانية ،، استحملونا شوي.. واستحملوا هالمواضيع شوي.. والله يعنيكم علينا ويعينا على هالصيفي..
وعارف انه غلبناكم.. بس برضه احنا معذورين،

وللمرة الأخيرة.. انتظرونا قريبا

[القدسيه]

موفق اخي عمر ....

بس صج بما انك مدير للمنتديات لابد انك تكثر من طلاتك في المنتدى مش تعمل في السنة حسنة .... هذا مثل عندنا للي ما بنشوفه الا في الحول مرة .... تحملووووني انتم بارك الله فيكم ....
 
تحياتي

[نشمي الاردن-محمد عودات]

موضوع مش مفهوم

[القدسيه]

موضوع مش مفهوم

 صدقني لا اعرف ان اشرح ... اعرف اكتب وبس والفهم عليكم ... واللي يقدر يفهم هالنشمي يفهمه ...
 
تحياتي

[HoDHoD]

أحسنت يا عمر ..

[ماروكو الصغيره]

معك حق يا قدسيه ..
 
... بصراحه و بدون زعل فعلاً المنتدى ممل ..  ممكن هالشي راجع لقلة الأعضاء
 
ممكن لإنه الحوار مختفي  في هالمنتدى ..
 
ممكن لإنه ... لأ هوه بس بسبب قلة الأعضاء
 
 ..  هاي هي المشكله ..  فكركوا بكونلها حل

[abu-faris]

يد واحدة لا تصفق ...
نحتاج الى ايديكم جميعا
لو كل واحد فينا صمم اعلان للمنتدى ووضعه في قسمه
او اخبر احدا من اصحابه ومعارفه .. كان الوضع ان شاء الله بتحسن
مجرد اقتراح

وباذن الله سأصمم اعلان قريبا جدا ..

بدنا همه شباب

[HoDHoD]

لا تنسوا أنه المنتدى إله 7 أو 8 أشهر تقريباً ..

يعني بهل مستوى .. ممتاز ..


يداً بيد إلى منتدى أفضل ( بنت المرح )

[القدسيه]

الحمد لله على مروركم الكريم ....

بس فعلا هالمنتدى لازم يكووون غير شكل ... بهمتكم جميعا ... تحياتي ..
 
اتمنى ان لا يفهم الموضوع من باب الانتقاص والتقليل من مكانة المنتدى ... بس فعلا في الاونة الاخيرة كان عامل مثل الخرابة والمكان المهجوووور ....( اتمنى ان قصدي وصل للجميع والله على ما اقووول شهيد )