طباعة

[sama]

السلام عليكم ورحمة الله وبركاته..
تعتذر أختكم نحلة العسل عن انقطاعها عن المنتدى لانشغالها بالجامعة تحضيرها للتخرج...
أما بالنسبة لهذا القسم فقد اخبرتني بانها تنوي ترك الاشراف لانه مسؤولية لن تستطيع المتابعة فيها..
على كل اتفقت معها أنا والعضوة نوسة وضياء وسنابل (كوننا معا دوما ) بأن نقدم شيئا جديدا وان كان يسيرا...
وهو يوميات طالبة جامعة من العنوان...
هي يوميات ولكنها ستكون كالدوريات ..(يمعنى أنه سيتم كتابة ماتيسر لنا كتابته..لنقل المرح والفائدة من جامعتنا..)

والليلة (من ألف ليلة وليلة)-هو انا كتبت الرسالة ليلة البارحة لكن للاسف ماحتصير ليلة لاني ماقدرت انشرها غير اليوم...(ألف يوم ويوم)-
سأكتب أول يومية يعني هي ستكون تعريف ببعض الاماكن في الجامعة ليتم فهم اليوميات الباقية التي هي عبارة عن مواقف وليست مذكرة ...

[sama]

يالا ستارت بسم الله..
 أعضاء هيئة التدريس في جامعة الملك عبدالعزيز –قسم الطالبات – دكتورات ودكاترة..
بس الميزة أن  التدريس عن طريق الدكاترة  يكون عن طريق تكنولوجيا الاتصال عن بعد (يتم نقل صورة الدكتور المحاضر والصوت من شطر الطلاب  إلى شطر الطالبات – مع العلم بوجود طلاب في الطرف الاخر امام الدكتور-)يبدا الدكتور الشرح للطلاب بعد اطمئنانه بأن الصورة والصوت نقلت للطالبات...
طبعا نظام النقل عشان تعرفوا عبارة عن اربع تلفونات معلقة على جدار القاعة يتم ادخال تحويله للتواصل مع الدكتور..واذا كانت القاعة اكبر يزيد عدد التلفونات..(يعني هذه وسيلة الاتصال بين الدكتور والطالبة)
يمكن تتساءلوا ليش مافي نظام مباشر لنقل الصوت دون الحاجة للتلفون وغلبته... هو سر    لكني رح أقوله لكم يعني هم خاييفين من الطالبات يلعبوا بالمايكات او الاجهزة ويخربوها..وناس تانية خايفة الولاد يسمعوا صوت البنات..يعني هو الموضوع بين مؤيد ومعارض ( هو صراحة بدا يطبق هذا النظام على بعض القاعات تجريبيا والله يستر من النتيجة)


طيب؟؟ماذا يدور عند الطالبات.؟؟!
طبعا الدكتور شايف الطلاب قدامه وماسك عليهم ..واحنا قدامنا مشرفة (مرْتبة استاذة) تشغل الجهاز الناقل..وبتاخد الحضور والغياب..والتاخير..وتمنع الاكل والشرب في القاعة وتسكتنا اذا جا الدكتور. ..وتقلنا فسخوا العبايات ..ممنوع العبايات في القاعة يابنات- في بعض الاحيان بيوكل الدكتور المسؤولية للمشرفة لوضع درجات المشاركة والانتظام في المحاضرة يعني يخليها تتسلط علينا شوية وتشوف نفسها مهمة....

المهم..
لما كنا مستجدات كانت المواد عامة والدكتور ماكان يعطينا اهتمام غير في الحضور والغياب...واحنا نتفرج على شكله في الشاشة المكبرة وبنام على صوته( القاعة باردة والانوار مقفلة زي السينما والصوت هادي) طبعا اللي حتنام تنزل النظارة الشمسية على عينها عشان المشرفة ماتنتبه.... واذا صحصحت وحدة من البنات مع الدكتور بتمسك سماعة التلفون وتقطع المحاضرة عشان تسال سؤال جا على بالها فجاة ماله أي علاقة بالدرس.-دكتور انا ماجيت يوم السبت وعندي عذر ادي لمين؟!-
بالنسبة لي احاول اركز واذا مرة حسيت انه مافي فايدة اطلع مادة تانية اذاكرها استفيد من وقتي...وصحباتي كل وحدة بتحط سماعة الجوال على اذنها وبتشغل اغنيتها المفضلة – على الاقل حاجة تروق-
طبعا هدا واحنا لسه مادخلنا الجد (المواد كلها عامة وغير مهمة )

أما في التخصص صار الدكتور يسال عن كل طالبة واسمها ويطلب منا مشاركة عشان يدينا درجات (بونس يعني)وهنا بدات المشكلة عندنا...

طيب يكفي . .يمكن اكمل بعدين..(زي ماانتوا شايفين قاعدة اتسلى بالكتابة وتعبت أكمل بعدين مش عارفة متى...مشكورين)

[sama]

الحين نبى نبدأ شخابيط مية ليلة وليلة..:

فرح الدكتور لما سمع بوجود قاعات يمكننا ان نكون فيها على اتصال مباشر بالصوت معه..
(اول كان لما يطلب مشاركة مننا كان عندنا عذر انه المايكات وسيلة غير فعالة واحنا مانلحق نقوم من مكاننا عشان  نجاوب الا وضاع وقت المحاضرة..والي زاد الطين علة انه وصلت للدكتور شكاوي من انه الطالبات مابتركز في المحاضرة ونازلة كلام وتلسية وقت ماهو بيعطي المحاضرة)
هده اهم الاسباب اللي خلت الدكتور ينبسط من تطبيق النظام الجديد على قاعة المحاضرة اللي رح يعطي فيها..
وبسم الله بدانا أول محاضرة وكل دقيقة (ياطالبات معاي ..ياطالبات فاهمين علي..في وحدة ماهي فاهمة..مين تجاوب على السؤال)- والله انبلشنا وارتاحوا الأولاد-
المهم البنات ماعليهم ..كل وحدة عندها كلام تهمسه لصاحبتها او تقوله للمشرفة وبتسوي شوشرة على الدكتور والطلاب..
وكل مايسمع الدكتور صوت يوقف الشرح ويقول اذا في وحدة بتسال تعلي صوتها عشان اسمعها ..وهو لا سؤال ولاتشغل بالك ياعمي..
طيب اش المشكلة؟
(مافي مشكلة ولاهم يحزنون الدكتور راح يضبط المحاضرة أكيد بس هادي عشان اول محاضرة..)
لما بدا يكمل محاضرته  سمع صدى من عند الطالبات ..ماعرف يكمل (اش المشكلة عندكم ياطالبات ..انتو معاي..اش اللي شاغلكم..- احزروا؟!!- وحدة من البنات بصوت عالي قالت (في صرصار يادكتور)
-يافشلتنا قدام الاولاد – ومسكين الدكتور كان مركز حواره عن منظمة اوبك  الين مادخل الصرصار المسكين وصار هو عمود الحوار ..
لبنات اللي قامت من كرسيها واللي كانت تصيح خايفة على شنطتها … طبعا نحلةالعسل بنت على باب الله مسوية نفسها تبغى تفهم وتركز.. لما مشي الصرصار تحت كرسيها قامت طلعت منديل ورقي الله يكرمكم وارتكبت جريمة بحق هذا الكائن البرئ المار ونيته على الله. :sad2
المهم المشرفة اعجبت بجراتها والبنات انبسطوا عليها لانها حلت المشكلة اللي ماكانت وحدة تتجرا وتشيله..
طبعا نحلة ولا على بالها كالعادة رجعت لمكانها ومسكت الدفتر وحاولت تركز مع الدكتور اللي انصطدم منها في نهاية المحاضرة لما سمعها وهي بتقول لصحبتها مافهمت حاجة اش مفكرنا الدكتور بيدينا كلام اكبر منا..
(يابنات اللي عندها سؤال ومش فاهمة تسال ) لكن عصبت نحلة وحملت كتبها ومشيت بره المحاضرة كالعادة (مااحب اسال أحد خلاص انشالله نفهم المحاضرة الجاية)
الزعل مايفيد يانحلة الله يعين اللي بياخدك(هدا الدعاء امها كانت دايما تدعيلها ياه)


نراكم قريبا باذن الله

[نحلةالعسل]

بداية...ارحب بالجميع..
ولكني اعتذر..طلبت الغاء الاشراف وانتظره لانه لم يعد بامكاني متابعة الموقع. .
ولكني رايت قسم جامعتي ميتا فساعطيه قطرات من الحياة الى مايحين اقفاله. .
..

(إيماننا رقينا)(بالأخلاق ترقى الأمم)(بالقران نحيا وبسنة الهادي نسمو)
كانت هذه عبارات سطرتها الطالبات على لوحة بيضاء عريضة وضعت على طاولة تحمل في طياتها سؤالا..
كيف نرقى بالأمة؟!!
أمسكت القلم الأزرق عنوان السماء وسطرت كلماتي بجدية وحماس ( الحقيقة+ الصدق+ الجرأة) تميز أمتنا عن باقي الأمم وترقى بها. .

عندما يكن قلبي مشاعرا سرعان مايظهر أثرها على وجهي وجسدي وان كانت الكلمات مدفونة في أعماق قلبي..

لاأؤمن بالمشاعر وكنت أعتقد أن الإنسان عليه أن يغلب عقله على عاطفته الغبية التي تجعله يرتكب حماقات لايصدق عليها العقل..
فإذا تحرك في داخلي شعورا وضعت عليه تحكما وسيطرة وأقنعت نفسي بأنه خيال ووهم لايسعني الانجراف خلفه..

يتهمني الناس بالجفاء والقسوة والامبالاة. ..لكنهم لايعلموا تأجج المشاعر في داخلي وصراعها مع العقل الذي له رأي آخر..
لماذا علينا أن نعيش الواقع كما هو ونلزم أنفسنا بالمثالية..أليس بإمكاني أن أغير واقعي- على الأقل في قرارة نفسي-..
ألا يحق لي أن احلق في عالم السماء واملا نفسي من هواء الجبال..
لن آبه لانتقادات الفارغين ..وفلسفة المتحذلقين..سوف أعيش بذاتي..بفكري ..بعواطفي وأحاسيسي (ومن أراد التعليق فلينظر لنفسه أولا)

رب إحساس أو عاطفة في صميم قلبك تغير حياتك.. تجعلك تعيش في عالم لايعيشه البشر أمثالك..تتغير أقوالك وردود أفعالك ..
تنظر للحياة بعين الضياء وان احلولك الليل واشتد ظلامه..

عندما تحرك قلبي..تأججت مشاعري..خفت منها . .لن اسمح لنفسي بالانسياق وراءها..جاهدت لانتشال نفسي من تلك البئر التي لااعلم مدى عمقها ولكنها بدت لي شديدة العمق..
أيقظت نفسي وأجبرتها على النظر إلى الحياة بعين الحياة بما يدور فيها ..لكن سرعان ماتسقط عند اصطدامها بآثار تحمل في طياتها ذكرى..

أترى هذه العاطفية التي نسمع عنها..؟؟
هل تندثر العقلانية لطغيان العاطفة عليها؟!
لابد أن تكون العاطفة متوازنة مع العقل لايفترقان. .أنا احمل في قلبي مشاعرا وأبوح بها لكن فقط عندما يصدق عليها عقلي ويرضى بها...
فلا يحق أن اكذب عقلي لمجاراة عاطفتي...
بالاثنين معا نحرك أنفسنا ..ونبادر في حياتنا.نلتزم بواجباتنا..نبني أسرتنا..ونغير مجتمعنا,,
وأخيرا...نرقى بأمتنا.. 

ونكمل الشخابيط.....

[sama]

الحمدلله قدرت أكتب تاني شخبيطة من شخابيطي..يعني الكتابة بتاخد مني وقت وانا ماحب اكتب...
على قول ضياء (انا اقدر اعبر لكن لما آجي أكتب ماقدر اكتب حاجة)
شكرا لك نحلة على افكارك...وعلى تغيير العنوان الجميل..

ستارت.............................................------------>
حجزت تذكرة للسفر الى اهلي قبل عطلة نهاية الاسبوع لان محاضرتي قد الغيت...ركبت الطائرة واخذت مقعدي..
وبدا الناس بدخول الطائرة..طبيعتي ان اتامل في من هم حولي..
فتفاجات بوجد مجموعة من الفتيات جلسن في المقاعد الخلفية..سرعان ماميزتهن من الحجاب ..ومن طريقة الوقوف والنقاش...(انهن فريقي ..دعوة اكشن)
المهم اتصلت بهن عند هبوط  الطارة على ارض المطار واجتمعنا وعلمت بانهن سيقمن حفلة لشركة(فرع نسائي) ..طلبن مني المشاركة معهن..
وحددنا موعد اللقاء وحضرت..كان دوري تشغيل جهاز العرض ومشغل الصوتيات وربطه بجهاز الكمبيوتر..-شغله فنية يعني-...
لكتي سعدت بالحفلة بالرغم ارتكابي لبعض الاخطاء في التشغيل( جل من لايخطئ)دعوة اكشن..
فريق سبق ان تحدثت نحلة عن نبذة منه..
فريق دعوة اكشن بدا ب30 طالبة اجتمعن معا وقررن اتخاذ الاسلوب العصري للدعوة باخلاص العمل لله وتحمل كل الانتقادات التي ستواجهنا نظرا لانه اسلوب جديد ينافي ماهو سائد ومتعارف عليه في المجتمع..


اول شروط العضوية..
كان الالتزام في حضور الاجتماعات..
الصدق في النية والحماس للعمل..
 التركيز على  الاناقة العصرية – في الملبس او تسريحة الشعر-(بالكماليات والالوان)..

طيب ممكن تسالوني وين الاكشن في الدعوة.؟؟ ..
أسلوب الدعوة بالصوت والصورة والحركة..

عرفتنا دكتورة داعية عن عصرنا الحالي..بانه عصر السرعة ..كل شيء من حولنا سريع ويحمل معه ضجة مرغوبة لدى المجتمع وحركي..

اسلوب الشخص الذي يتبنى فكرة يريد ان يدعوا الناس اليها تؤثر كلماته بمقدار 7%  ونبرة صوته 38% و 55% من لغة جسده(مظهره الخارجي..وقفته..مشيه..لبسه..وكل مايراه الناس من الخارج..طريقة الكلام)
كثير من الناس يستخدم اسلوبا قديما لتوصيل فكرته أو دعوته لايأبه بمظهره ولابنرة صوته عند محادثة الناس..يركز فقط على الكلمات التي يريد ايصالها ثم يستغرب من رفض الناس له ونفرتهم منه..

في البداية حرصنا على استعمال الاناشيد من جلف ميديا لان الايقاع الذي يحويه موثوق من انه اصوات بشرية او طبيعة اجريت عليها تعديلات..
قمنا بتصوير فيديو وعرضناه على طالبات الثانوي فكرته توضح  اننا فريق يعيش حياته ..يمرح ويلبس الملابس الانيقة..نسبح ونمرح ونخرج معا ونشاهد التلفاز ونفعل كل ماتحب الفتاة فعله..بشرط ان لايخالف ديننا وهويتنا ولايغضب ربنا...
في نفس الوقت نحافظ على ديننا ..على واجباتنا..أخلاقنا..صلاتنا..حجابنا..ونسير ونحن نعرف دورنا في هذه الحياة وماهي اهدافنا ورسالتنا.

في حفلات الجامعة تكون مشاركتنا مثيرة ينتظرها الجميع..
تتعدد فقراتنا مابين عروض الباوربوينت والتصوير الفيديو لتوصيل رسالة بالالوان..وتمثيل يحمل في طياته فقرات مضحكة ومعنى هادف..بالاضافة الى العروض الرياضية..

اش العروض الرياضية هاي؟ !
نشغل انشودة مثلا اممممم حسبي ربي ونقوم بعمل حركات جماعية على المسرح موحدة ومتقنة تعكس الاكشن الحقيقي تحت اضواء الليزر ...
من العروض التي اقمناها ( اشرقي- لاتحزن- فتيات بلا ازمات – لقد علمتني – لاتغتم – شمس الحضارة – تاجي حجابي...)
طبعا من عنوان الانشودة تظهر الفكرة ولكن باسلوب جذاب ..

طيب مين بيدعمكم؟!
تاتي للجامعة في كل سنة مبلغ من المال قد تفوق 100000 (حقيقة لااعلم ميزانية الجامعة لكنه مبلغ كبير وانا توقعته في حدود المائة الف..لان حفلتنا الختامية لحالها توصل 20000)
يدعم هذا المبلغ جميع انشطة الجامعة ولجانها..ونحن نندرج تحت لجنة التوعية الاسلامية...
يعني على قول قائدة الفريق(لازم احنا نمسك المسرح  ونستفيد من الدعم بلاش ياخده احد غيرنا ويضيعه على اشياء لاتحمل تاثيرا او رسالة..)



ننتظر شخبطة من الاخت العزيزة نوسة عن لقاءها برئيسة فنلنده ..شدي حيلك يانوسة...

[العاطفي]

ما شاء الله تبارك الله ..

 والله لقد أسعدتني فكرتن وجهودكن في ( دعوة أكشن ) أسأل الله لكم التوفيق والثبات على الحق وأن يكلل جهودكن بالقبول.

[sama]

على كثر الهموم اللي في قلبي ماشكيت الحال
على كثر الجروح اللي تمادى أكتم العبرة

إليان..مريم..داليا..رنا صديقات من جامعة الملك عبدالعزيز. .
معظم فتيات الجامعة الغير متزوجات لديهن مشكلة تترواح بين الخوف من الإرتباط برجل. .أو انتظار الرجل المناسب..أو مشكلة الخطوبة واستعجال الرجل على الزواج..
حتى وإن كانت البنت تظهر انشغالها بالدراسة وبعد الزواج عن فكرها.. فالصحيح هو أن فكرها مليء لكن بمواصفات محددة وطريقة مختلفة....

الجميع كان يحمل  على إليان ملاحظات مشتركة(عدم مبالاة في الدراسة..قلة تركيز..(أما هادي قلة التركيز خلت صحباتها يخافوا عليها) ...درجات على غير مستواها العالي ..هبوط في الوزن)

شكت إليان حالها لمريم وأن سبب هذه المشاكل هو شخص تعرفت عليه في النت ومال قلبها إليه..
مالمشكلة في ذلك؟؟!! أسال الله ان يوفقك للخير.(.كان هو رد مريم..)

وهنا بدا الحوار…
-لا أستطيع ان اتعلق بشخص لااعرف مشاعره تجاهي ؟ولم هو يحادثني؟ ربما أراد التسلية فقط وانا المسكينة التي أتاثر بعاطفتي تجاهه..حتى وإن كان الحديث الذي بيننا هو علمي او سؤال عن الاحوال فقط - دون الخوض في الكلام المحرم التافه-..ربما أدبه جذبني نحوه..كل ماأعرفه أنه مادام قلبي تحرك يعني ان هناك خطأ ما..

-اخبرتها مريم بأن تختبر أخلاقه  واذا بدا جيدا فلا حرج في ذلك ..اعتبريه صديقا وجربي حظك معه ولاتتعلقي به كثيرا فإن كان لكما نصيب هو خير انشالله وإن لم يكن لن تخسري شيئا فهي صلة  قربى ..وادعي الله بأن يكتب لك نصيبا فيما هو خير لك..

-لا..سأتوقف عن محادثته ..ولست من اللاتي يعرضن أنفسهن للبيع..من أرادني فليأت دون أن أكون أنا البداية..
لي كرامة وعزة..ولي جانب لايستحقه إلا من أرادني وطلبني ..ليست لعبة أجرب بها حظي..

- يابنتي الايام هده لازم انتي تجيبي الرجال هو مايجي لحاله..

-أصلا عمري ماشفته ولااعرفه.. أجيبه ليه …وليه هو بالذات..يمكن في أحسن منه..خليني أقعد أستنى نصيبي أحسن واللي يجي من الله هو اللي يناسبني..

- طيب  مادام هذه أفكارك وين المشكلة وليش تعبانة. .

- مش قادرة أنساه دايما على بالي. وإذا فتحت الماسنجر ومالقيته اتعب وماقدر أعمل ولا حاجة طول اليوم..

- لاحول ولاقوة إلا بالله.والله إنك مأساة.. طب أنا قتلك تكلمي معاه ولاتعذبي نفسك بس حاولي تغيري مشاعرك وافكارك…


كانت إليان تمر بصراع داخلي كبير فهي تعيش واقعا يخالف ماتتعلمه في الكتب وخاصة في إحدى المواد..حيث كانت دكتورة المادة مصرية قوية(اسمعوني يابناتي أهو أنا بقلكو من دلوقتي الراجل لما حيشوفك بتضحكيلو هيتسلى بيكي شوية وبعدين بيمشي ويسيبك..ماتتكلميش ماواحد حتى لو كان خطيبك  إلا قدام أبوك أو حد يقربلك..أحسن مايسيبك بعدين ويقول البت دي بتلعب. .
انتبهي الرجالة مالهمش امان ولااحساس  هه..هم  زي الاطفال الصغيرين: علميهم عليكي من أول مرة عشان يعملولك حساب)

تتحرك خائفة من أن ترتكب خطئا تندم عليه..لاتعطي لأي شاب فرصة بأن يحاول التعرف عليها..شخصيتها محبوبة  بين صديقاتها..والكثيرات يقعن في الإعجاب بها وينتهزن الفرص ليتعارفن معها..

- كيف تبغيني أنسى مشاعري تجاهه واتكلم معاه في نفس الوقت ..اذا ماكنت احبه بلاش اتكلم معاه أصلا..

- حب ايش ياقلبي...هدا موجود في الافلام بس..مافي شي اسمه حب هادي الايام..دوري على نصيبك واستري نفسك ومشي حياتك بالمجاملات عشان تستمر..ترى الحياة صعبة ومسؤولية..

كان سبب زواج مريم هو الهروب من تقدم الأقارب وأولاد العم. .فتزوجت بأول شخص تقدم لها من خارج العائلة..ولم تكن تعطي للحب أو المال مكانا في شروطها  – المهم الاخلاق والدين والرزق والتآلف يجي من الله-
وبعد الزواج كملت في الجامعة عشان تحقق طموحها في الحياة وتمشي حياتها على قولها-)
خافت مريم على إليان بعد أن لبسها الصمت الذي لايعبر عن أي تفاعل أو استيعاب..

اما داليا مملكة(كتبت العقد) من واحد عن طريق الاهل بس ماشالله ماخده عقله. .وهو يحبها لكن هي مش فارقة معها عادي..ولما سمعت عن إليان قالتلها يابنتي اش تبلشي نفسك بها السوالف..يجيكي اللي يحبك ولاترمي نفسك على واحد ماتعرفي مشاعره تجاهك..
ترى الحياة مابتكمل إلا إذا كان فيها حب ويجي بعد الزواج ..- معظم الحب قبل الزواج هو حب زائف نرجسي
لايستمر إلا نادرا-..

أما رنا بتتكلم مع أي واحد عادي ايزي –تتسلى يعني على قولها أحد يفتكرنا ويدق على الجوال-..بس ماحد يقدر يغلبها ويضحك عليها.. والله اللي يتكلم معاها يندم على اليوم اللي عرف فيه رقمها..لانه طلع من المولد بلا حمص..وتلعب عليه بدل مايلعب هو..
ضحكت رنا وانبت إليان قائلة( والله لساتك صغيرة مش عارفة تلعبي وتتحكمي بعواطفك..لو أنا مكانك كان انتهت السالفة من زمان..الله يعينك كيف تعيشي رح تعيشي في هالزمان اللي كل دقيقة يجيك رقم غريب أو إيميل لمجهول يبغى يتعرف)

كرهت إليان كلام رنا واخبرتها بانها ليست من نوعها( خلي واحد مجهول يحاول يدق أو يتعرف والله لاأنسيه اسمه واليوم اللي جا فيه..انتي مش فاهمة حاجة  ..الحق علي اللي سالتك)
استغربت رنا  من موقف إليان –حيث كانت رنا تنظر للرجل بأنه كائن ليس للاستعمال او للاهمية وكل من تتعلق برجل فهي مسكينة مخدوعة-

يكفي لهنا. ..اش اللي صار بعد كده ماادري ماحبيت أدخل أكتر..
بالنسبة لي ناس فاضية الله يعينها...

[sama]

ما شاء الله تبارك الله ..

 والله لقد أسعدتني فكرتن وجهودكن في ( دعوة أكشن ) أسأل الله لكم التوفيق والثبات على الحق وأن يكلل جهودكن بالقبول.

يسعدني مرورك أخي العاطفي حياك الله..وجزاك خيرا ..
وبارك فيك..

[sama]

حذرت دراسة أعدها المركز القومي للبحوث الإجتماعية والجنائية بالقاهرة مؤخرا من ظهور (لغة موازية) يستخدمها الشباب العربي في محادثاتهم عبر النت ..تهدد مصير اللغة العربية لهؤلاء الشباب , وتلقي بظواهر سلبية على ثقافة وسلوك الشباب العربي بشكل عام.

أخبرتني أختي نحلة أن هناك من لايفهم اللهجة العامية التي أكتب بها..ونصحتني بالتحول إلى الفصحى..مارأيكم.. ؟!
من لم يفهم فليكتب لي تعليقا..وسوف أتفهم..

هادي اللهجة عامية جداوية مخلوطة.. (اللهجة في  جدة قد تكون مختلطة بسبب كثرة الجنسيات العربية فيها..)
اتمنى أن تحاولوا القراءة باللهجة المكتوبة..يوجد بعض العبارات بالمصري...

[sama]

دكتورة منال كريم وماأدراك من منال كريم؟؟
من في الجامعة بقسم الادارة لم يسمع عنها..

ملاحظة (اللون الازرق كلام الدكتورة والبرتقالي كلامي..)

كان يا مكان يوم كان مش زي كل ماكان..
كنت جالسة على النت أعدل جدولي للفصل الدراسي الاول(كنت أشوف أسماء الدكاترة وأنزل المادة مع احسن دكتورة واتفادى المشهورات بالتعقيد وكثرة الطلبات والواجبات)
طيب..نزلت 14 ساعة –بس 14 لازم أنزل كمان حرام الترم يضيع على 14 بس- امممممممممممممم اش ناخد..
مالية شركات اسم غريب اش يعني ..كيف شكلها هادي..طيب مين ماسكها..(عضو تدريس متعاون) مافي أسماء..يالا ناخدها المهم ماتكون رشيدة اللي ماسكاها..الله يستر..

أول اسبوع مااخدنا ولامحاضرة..فكرت أحذف المادة اسمها يخوف وشكلها صعبة..والدكتورة مجهولة للحين..
الاسبوع التاني توقعت انه مافي  محاضرة خلينا نروح نجرب..وفتحت باب القاعة ولسه بقول بسم الله..والا اتفاجأ بأستاذة ماكلة السبورة من المعادلات اللي كتباها والاسهم اللي متفرعة في كل اتجاه..
(انتي معانا يابنتي..طب متأخرة ليه..آخر مرة هه )

يامامي. .والله من أول قلبي ناقزني من ذي المادة..وكمان مصرية(الدكتورات المصريات عرفن بالجدية والالتزام وحب الانضباط..وأزيدك من الشعر بيت مابيعطوا بونس)

اسمها منال..شكلها جاية عقد جديد..هي بروفيسوره.. الله يستر انشالله تكون احسن من اللي قبلها..-مداولات الطالبات بعد المحاضرة-
المهم
اول مشاركة لي في المحاضرة كانت (فائدة ايش يادكتورة؟!..يعني رِبا- حط عليها مية خط- طيب الربا حرام)
انصدمت الدكتورة وطلت فيّ بنظرة قهر ( أي دا ...يعني هو لو كان ربا يعني ماتتعلميهوش..لازم تعرفي عن كل حاجة عشان تقدري تفهمي السوق والناس ببتعامل الزاي)
خفت والله آخر مرة أسأل..هو انا قلت شي غلط الربا ربا حتى  لو تعددت الاسماء..(يعني الناس بتاخد مالها من حرام ..الله يجيرنا ويرزقنا الحلال)
طيب في نهاية المحاضرة أدتنا سؤالين (دا مش واجب..بس فكروا فيها في البيت..والشاطرة اللي هتعرف توصل للحل عندي هدية ليها) – اسلوب غريب بعض الشيء بالنسبة لنا هدية ايش..يالا نحاول نحل-

هاااااااااااااااااااااي..حليت وحدة..والله اني فظيعة كيف قدرت أحلها بسم الله عليّ اللهم لاحسد..تعقدت التانية معاي وماقدرت أحلها شكلي ضربت نفسي عين...

اليوم التاني رحت المصلى أرتاح لين مايجي وقت محاضرة المالية..قلت استفيد من وقتي واحاول احل المسالة تاني..يعني حليت بس هادي المرة مش هاااااي قلت والله مارح اسلم الحل للاستاذة بلا ماتاخد فكرة عني بعدين ..
المهم دخلت المحاضرة متاخر للسبب السابق..(يابنتي بعد كده اللي هتدخل المحاضرة بعد 11 مش راح ادخلها)
كانت بتحل المسائل على السبورة ..خفت تسألني عن الحل سويت نفسي مشغولة بالحساب والكتابة وماتجرأت أطل فيها..

(هو دا الحل في وحدة قدرت توصل للحل دا..)..رفعت راسي من الدفتر وطليت في السبورة الرقم مر علي ..كيف؟
اه..هادا نفس حلي...دكتورة انا طلعلي نفس الحل والله شوفي..
(معقول..يبأى انتي شاطرة اسمك اييييييييييه؟!)كانت علامات الانجاز والفرحة على وجه الدكتورة شكلها تأملت فيّ مرة من ذاك اليوم..

ومن هنا بدأت الحكاية اللي مافي زيها رواية.. .
سما العلي..(ايه..سمااااء)..لأ يادكتورة سما بس بدون همزة.
.(طيب عاوزة أحفظه ..فكريني لما أجيبلك الهدية المحاضرة الجاية..)
ياي هدية أول مرة خلينا لما نشوف...
بس بعدين البنات شكلهم زعلانين (يادكتورة احنا كمان حلينا نبغى هدية..اشمعنى هيه بس)
ياربي أخاف يصير عندي عداوات عشان كم سؤال الله يستر..
المهم..
مرت الايام ويزداد إعجاب الدكتورة بالاخت سما وأعوذ بالله من كلمة أنا (- في دكتور كان بتكلم عن التنمية المستدامة وبقلنا: لازم نتحرر من الأنا ونبدلها بنحن..فلسفة زايدة-)
وبعد أول اختبار –كانت- قصدي كنت الوحيدة الحاصلة على أعلى درجة (هو في أغلاط عندك يا سما بس انا مشتها لاني حسيت من حلك أنك فاهمة انتي بتعملي ايه)

والله نظرات البنات مابتسر. .أخاف وحدة تنتقم مني ولا تعملي سحر..احنا مش متعودين في الجامعة على حركات الدلع هادي..أصلا الدكتورة مفروض ماتعرف من البنت إلا رقمها التسلسلي وكشف درجاتها و كل وحدة مسؤولة عن نفسها يعني مايهم الدكتورة إذا  سما جابت التوب ولا الفلور..هيي ومصلحتها..
اش هادي الورطة يادكتورة منال الله يسامحك. .

واللي زاد شوك بلة .الهدية اللي كانت موضوعة في كيس أحمر راقي (أصل الهدية دي لسما محدش يزعل ..أنا عاوزاكم تبقوا زيها أي وحدة حتجيب الاختبار التاني درجة كويسة هابقى اجيبلها هدية كمان..) 

تبغوا تعرفوا اش الهدية صح. .اصلا ماقلت لوحدة من صحباتي عشان أقلكم عنها- بس اللي أقدر أقوله هدية قيمة من جد-

وتزداد العلاقة بين سما والدكتورة ..صرت  أروح عندها على مكتبها تقدملي شكولاتة براند وتتكلم معاي – صار كل مانفسي بشوكاليت أمر عليها- قالتلي مرة.(.اصلي انا ماعنديش بنات عشان كده بحب  البنات قوي – مش باين - , ابقي سلميلي على ماما)

اما مع البنات كنت شكل تاني..(الله يعينكم على الدكتورة والله أنا معاكم هي الله يسامحها مابتشرح كويس (يعني ومن هادا الكلام عشان مااخسر حد وابعد نفسي عن الخطر)
المهم
لما كنت أغيب ترسلي الواجب على الايميل ومستعدة تعيد الشرح بس انا كنت اتفادها وقللت زياراتي ليها في المكتب وزادت غياباتي..كنت احس المحاضرة تقيلة على قلبي..وخفت اني اكون بعمل حاجة غلط..

في الاختبار النهائي. .كان الوقت قصير والاسئلة اكتر من الوقت وتحتاج تمكن وسرعة في الحل والله مش قدنا احنا البنات..حاولت احل بسرعة ويمكن ماطلع معاي الناتج بس يالا السؤال اللي بعده الوقت رح يخلص وباقلي 3 أسئلة كل سؤال في صفحة..
المهم..
طلعت دايخة من القاعة وحسيت اني استنفدت الطاقة اللي عندي. . كنت قاطبة الجبين..
 مرت علي الدكتورة ( ها سما الاسئلة جميلة مش كده..؟؟!!)
الاسئلة مرة صعبة يادكتورة الله يسامحك ومشيت
 وهي بتكلمني (ازاي دنا والله سهلتها...الخ) ما طليت فيها رحت امشي ويدي ترج مش عارفة اش اللي صار بعد كده....

مارحت الجامعة لأسبوع كامل. .وسمعت ان الدرجات نزلت ومعلقة عند مكتب الدكتورة..
الله يستر ماني رايحة..ولاأبغى اعرف الدرجة لسه عندي اختبارات تكفيني ..أتصلت أسأل عن البنات والله نص البنات حاملين المادة..- اللي اغمى عليها. .واللي انخفض ضغطها..واللي بكيت..واللي راحت تقدم شكوى)

راحت سارة قريبتي تشوفلي الدرجة..جات الدكتورة (عاوزة درجة مين وانا هقلك..)..
شكرا دكتورة بس كنت بشوف درجة سما وشفتها خلاص..
(سما ليه ماجتش تاخد الدرجة ..انتي بتقربيلها..طيب قوليلها تيجي بحالها  وتشوف درجتها لان الدرجات دي رح تتغير)

وصلني الخبر حصلت على 75 من 100  ناجحة الحمد لله بس والله قهر عمري مااجيب درجة زي هادي..و كيف يعني الدرجات هتتغير..

بس قمت بطولي ورحت الجامعة اليوم التاني اشوف درجتي وكنت اتمنى مااشوف الدكتورة قدامي..شفت باب الغرفة مقفل والورقة معلقة قربت أشوف بسرعة قبل ماتحس عليّ (شكلها بتشم عطري من تحت الباب) 
99..أغمض وأفتح تاني يمكن انا غلطانة..اش السالفة بالضبط..أغمض ..أفتح ألاقي يد سحبت الورقة..(اخيرا جيتي..مبروك والله كنت هديكي المية بس عشان في ناتج عندك مش صحيح ..بس انتي الوحيدة ماشالله عليكي اللي عرفتي تحلي وكمان صح من بين كل الشعب ..فرحتي..يالا فرحي ماما )

المهم الحمدلله خلصنا السميستر على خير..بس الله يعين نزلي استثمار معاها الترم اللي بعده..

[نحلةالعسل]

السلام عليكم..
أشكر صديقتي سما على كتابتها لبعض كشاكيلها..
لم تجد تفاعلا في المنتدى..لكنها أرادت الكتابة بأي شكل ..
تقوم بارسال أجزاء من الكشكول لعدة منتديات..فكان منتدانا أولى كما أخبرتها..
سامحونا إذا تأخرنا في الكتابة..فظروف الامتحان تشغلنا
وشكرا لكل من قرا وعلق..

[sama]

السلام عليكم ورحمة الله..
عدنا ليكم..

ياجماعة..انا قد ماسمعت طرايف مافي وحدة من جد زي هادي .(.رح ندخل في فلسفة  شوية.. وبعدين ننتقل للطرفة.)
خلوكم مصحصحين شوي معايا عشان تفهموا. .(اذا مافيك تقرا لاتقرا احسن..لان الكلام محتاج تركيز شوية)

الحين واحد من زملاءنا الطلاب سأل سؤال للدكتور..واحنا قاعدين وماسمعنا السؤال زين..
يابنات سمعتوا سؤال زميلكم؟!! ردوا علي..!!(سال الدكتور)
لا يادكتور..لااااااااا..(البنات باصوات مشتتة)

هنا وقف الدكتور المحاضرة ..
طيب مادام ماسمعتوا السؤال ليه مافي وحدة طالبت بحقها (مية خط ) عشان نعيد السؤال..ليه جلستوا ساكتين؟!
دا معناه انه في مشكلة عندكم..يابنات..
ياطلاب اش اللي منع الطالبات انهم يسالوا؟!
مين اللي سكب عليهم الزيت؟

 (زيت ايش الله يهديكي ياسما.. )- الزيت دا له حكاية كمان-

فاصل ونواصل..

كان يامكان كان من زمان  لكل شيء موجود في الكون دور..مافي كائن عايش بدون دور..
الشمس ضربت اشعتها على سطح الارض والبحر..تبخرت مياه من البحر وصعدت للاعلى لتكون غيوم..الغيوم اجتمعت مع بعضها وتصادمت فانزلت المطر..العشب والنبات وجد نتيجة للمطر..جاء الراعي ومعه غنمه لترعى في العشب..
ومن ثم انسل ذئب في الليل ليسرق غنمة ليأكلها..أكل وشبع وراح ينام وترك باقايا الجثة على الارض..
ماانتهت الحكاية ..صبرا..
جات الطفيليات والديدان حللت الجثة لتساهم في نظافة البيئة دون ان تعلم..
هادي اسمها (لايف سايكل)

طيب لو سألنا سؤال مين أقوى واحد من هدولا -المتسابقين – في دورة الحياة السابقة..
ممكن نقول الشمس لانها الاكبر والاكثر ظهورا..والا المطر والا الديدان..

لو قلنا الشمس واغفلنا دور الديدان..رح يصير خلل في الحياة..يعني الجثث ماتتحلل وتجلب الامراض وتفسد الحياة..
يعني الديدان مع صغرها وعدم ظهورها لها كمان دور مهم..
اذا مانقدر نقول انه دور احدهم أفضل من الآخر ..
فكل له دوره واهميته الخاصة لاستمرار الحياة..
هذا يعني ان الحيا ة قائمة على ادوار وعلاقات..مترابطة ..قائمة على مساواة وتعاون وتكاتف...
لابد من الاعتراف بدور الاخر واحترامه حتى لو كان دوره صغير...لكنه مهم لاستمرار الحياة..

طيب وين الزيت اللي قلتي عنه يابت؟!!

ويت اي ول كونتنيو

جاء واحد مسطول حط زيت في سيارته ورمى باقي العلبة على الارض..الذئب اكل الغنمة وترك الجثة فوق الزيت..
نجي بعد شهور نلاقي الجثة متعفنة وماتحللت؟؟
اش السبب؟
الزيت اللي قلنا عنه..
هادا المسطول مااعترف بان البيئة قائمة على المشاركة بين جميع الكائنات واحترام ادوار بعضها البعض..
لما ترك الزيت على الارض عطل دور الكائنات المحللة وسبب خلل في البيئة..

عدنا

احنا واش دخل اخو الزيت فينا.؟!

تاني..

ياطلاب اش اللي منع الطالبات من السؤال؟ من ممارسة دورهم معانا في الكلاس والمطالبة بحقهم؟
احنا مشكلتنا مانعرف اهمية دورنا ..وان لينا حقوق..
ليش مانطالب بحقوقنا..؟اش اللي يمنع..

نحلة قالت (اي حقوق هاذي يادكتور..اذا احنا قلنا هادي حقوقنا قالوا عنا متطاولين ومتعدين على الحقوق )

طيب برايك وين المشكلة يابنتي اش اللي خلى المجتمع مايفهم معنى الحقوق والادوار؟! اش الشيء اللي مارس التعسف على حقوفهم وخلاهم ينسوها او مايطالبوا بيها؟

خلاص هو من زمان تعودنا على هادا الشي ..وان الواحد يسكت أحسن له (نحلة تجاوب)

رد الدكتور..السبب تراكمات سابقة عبر السنين  ..طيب ليش مافي شخص تحرك وقال هادا تعسف..ليش الناس ساكتة؟
المسطول لما مااعترف بحق الطرف الاخر وسكت الناس عن تصرفه.. البيئة مارح تسكت ورح تعاقبنا بالامراض والكوارث الطبيعية الناتجة عن  اهمال الانسان وتصرفاته القائمة على عدم الاحترام والعتراف بادوار الآخرين واهميتهم..

 (هي بالله اش الدخل الشمال في الجنوب..احنا ماحبينا نسال لانه اصلا مانبغى نعرف هو الطالب اش بيسال. .راح دخلنا في الذئب والزيت والتعسف وعدم المشاركة)

نكمل....

[نحلةالعسل]

(أحبب حبيبك هونا ما عسى أن يكون بغيضك يوما ما)
   

يحتار الرجال في فهم طبيعة المرأة الغامضة  يريدون وضع قوانين لسير الاشياء في الكون الا المرأة عجزوا عن وضع قانون تعرف منه وتعامل على اساسه...والسبب في ذلك هو أن المرأة لاتفعل افعالا إنما ردود أفعال عشوائية ناتجة عن التاثيرات المحيطة بها ..هي نفسها لاتعلم عن منابع  التصرفات الصادرة منها..

(اذا تحدثت الى شخص فخاطبه بالأسلوب الذي يفهمه هو وليس الذي تفهمه انت)

سمية هي إحدى صديقاتي المقربات اللاتي يتفقن معي في معظم افكاري وهواياتي..(اسمي يحتوي على حرف السين والميم والنون والالف والياء..لاحظت أن كل انسان يحمل حروفا من اسمي خاصة السين والياء يكون بيننا توافق غريب وتفاهم..لابد ان هناك علاقة ما بين الاسم وشخصية صاحبه - خير الاسماء ماعبد وحمد-)

الحاصل...
شكت لي مؤخرا اسباب ارقها وحزنها الدائم (كلما ظننت بأن شلتي هي أحسن شلة واني لن اتركها ابدا..اتفاجا بمشكلة تافهة لاتخطر على البال  تفرق بيننا وينتهي كل شيء كأن لم يكن)
كانت سمية للمعلومية سابقا واحدة من اعضاء مجموعتنا –شلتنا- كنا معا كالسمن على العسل في الدراسة والاكل وعند النوم في العسر واليسر باختصار..
لكن حصلت مشكلة بينها وبين واحدة منا جعلتها تتركنا ولم يبقى بيننا غير السلام –ماعدا أنا بحكم التوافق الذي بيننا ولاني افهمها-)
كانت  كلما انضمت لمجموعة من البنات تعتقد بانها وجدت ضالتها..وجدت المحبة والصحبة الرائعة..تستمر معهن لبضع اشهر وتتعلق بهن ثم أفاجأ بانفصالها عن المجموعة وانعزالها..

تساءلت عن سبب عدم استمرار نجاح العلاقات التي تقيمها..من المخطئ هي ام الطرف الآخر.؟!
شعرت بالحزن واكتوت على نفسها وامتنعت عن الطعام  وبدات تذبل..وتغلف جوها المحيط بغلاف اسود يجلب الحزن والهم والوساوس..

(الانسان حالة صعبة عندما يياس من شيء في حياته يصر على البقاء داخل قوقعته , والمعتقد بأن العلاج الصحيح هو التنفيس عن النفس والخروج من القوقعة التي تجلب الذكريات السيئة ليتمكن من الاستمرار في حياته وانتاجه ولا يعطل مسيرة الحياة )

حاولت أن أحصل على اسباب خلافها مع صديقاتها في كل تجربة لها  لأجري تحليلا سريا  واضع التهمة على المخطئ ..
نتيجة تحليلي أن صديقتي حساسة – جميعنا نحمل حساسية لكنها تختلف في درجاتها على حسب البيئة التي عشناها-
حساسة سكر زيادة..

(الكثير يطلب السعادة ويتلمس الراحة وينشد الاستقرار, ويسعى في البعد عن أسباب الشقاء والاضطراب والقلق, وليعلم أن ذلك لايتحقق إلا بالإيمان بالله والتوكل عليه وتفويض الأمور إليه, بالأخذ بما وضعه من سنن , وشرعه من أسباب)د. صالح بن حميد

عندما تشعر بأنها أحبت شخصا ما سرعان مايكون محور سعادتها وكانه ملكها وليس لاحد آخر غيرها ..تتوقع من الطرف الآخر أن يبادلها نفس الخيال والشعور ...سرعان ماتصدم بالحقيقة وهي أن الطرف الآخر يعاملها بطريقة غير التي رسمتها في مخيلتها ولايشعر بها وبظروفها التي تواجهها..
لاتقدير ..لااحترام..لامسئولية..لاالتزام . .وتنهال تلك الصفات العجيبة على ذلك الشخص الذي يتفاجأ ويصدم.. وهنا يقع الخلاف دون معرفة اسبابه, ومن هو المخطئ بحق الآخر..


(إننا أحوج مانكون إلى أمل يدفع إلى عمل, وفأل ينتج إنجازا..أما المحزون المهموم فهو غارق في آلامه, متعثر في أحزانه, مدفون في هموم يومه,لايرجو خيرا ولايأتي بخير..)

لم يهن عليّ أن أجرح مشاعرها..أخبرتها بانهن مخطئات معها –وفق تفكيرها- ولمحت لها بأن لها دور في الخطأ ليس هينا..
مثلا (على قول سما أعوذ بالله من كلمة أنا) لدي 20 صديقة.. اللي تستغني عني بالناقص على طول ..ولا أسأل..

كيف لصديقة ان تكون صديقة بمعناها الحقيقي اذا استغنت عني بعد فترة  ..فانا لااحتاجها ولدي الكثيرات الصدوقات غيرها..
صديقي يقف بجانبي لمواجهة الحياة.يقف بجانبي.. لنصعد معا ونرتقي..مافائدة الصديق اذا جلب لي الهم والكآبة – احنا ناقصين الحياة لحالها صعوبات ومشاكل- هل اتخذ صديقا ليكون احد مشاكل الحياة التي أواجهها..

أنا أعترف بالحب. .أعترف بالمشاعر العاطفية لدى الانثى خاصة في هذا السن. ..هي فطرة فطرها الله فينا..لكنه سبحانه ملكنا عقلا نضبط به عاطفتنا ونشد لجامها لتسير في طريقها المسخرة له..

سالتها..متى آخر مرة تحدثت مع امك واخبرتها بحبك لها وشوقك إليها. .
ماهي آخر مرة أهديت أمك أو جدتك وردة أو هدية تعبرين فيها عن عاطفتك..

لماذا نحمل عواطف خاطئة لاناس خاطئين ( جميع الكائنات الحية تميل لمن ساهم في وجودها وابقاءها مستمرة في الحياة)
ماهو دور الصديق  والحبيب(الزائف من أول نظرة) في وجودك..مالذي بذله ليستحق منك هذا الحب والحزن والفداء ..

مشاعري وعواطفي هي لمن ضحى بنفسه لأبقى انا لأكون أنا. .مشاعري حتى وان لم ترغب سأرغبها لتكون لمن أعطاها حبا واعطاها أملا.. وفاء واعترافا بالجميل..
عواطفي لاخواني الصغار ..أفهمهم ادخل السعادة فيهم ..أنقل لهم حبا ملئه والديّ في صدري..
مع عائلتي واسرتي اشعر باني جزء من الحياة لي دور ومسئولية..اشعر بالامان والدفء..
أبادر ولاانتظر العطاء .

لا انتظر حبا من احد..من احبني بادلته المشاعر الطيبة  لله وليس هناك من يستحق ان يحب لذاته..أو ان اهين ذاتي لاجله..
أساعد من يحتاجني ولااحتاج لغير الله الذي سخر لي عائلتي الذين هم مفتاح  روحي..سر نجاحي..بلسم عطاءي..سر رقيي..

[mmsn009]

   
لا انتظر حبا من احد..من احبني بادلته المشاعر الطيبة  لله وليس هناك من يستحق ان يحب لذاته..أو ان اهين ذاتي لاجله..
أساعد من يحتاجني ولااحتاج لغير الله الذي سخر لي عائلتي الذين هم مفتاح  روحي..سر نجاحي..بلسم عطاءي..سر رقيي..

أهلي .... وعائلتي ..... هم مفتاح روحي - سر نجاحي - بلسم عطائي - سر رقيي ...

بارك الله فيكي اختي الفاضله - كلمات رائعه - ادمت قلبي وادمعت عيني  - وفقك الله

[سلمى]

   السلام عليكم ورحمة الله ...
أنا سلمى وهادي هي أول مشاركتي وأتمنى اني اكون ضيفة خفيفة وتعجبكم مشاركاتي أو متل ما بيقولوا فشة خلقي
قالت لي صحبتي سماء عن هدا المنتدى وعجبتني فكرة إنو حاقدر أحكي عن المواقف الطريفة و العجيبة التي تواجهنا في جامعة الملك عبد العزيزوطلبت مني حكاية موقف مخصوص صار لي في الترم الماضي  
الحكاية وما فيها  كان الوقت وقت الاختبارات النهائية وعشان أقدر أحطكم بالصورة لازم أشرح لكم النظام حقنا
عادة جداول الاختبارات عندنا بتطلع قبل شهر من موعد الاختبارات وبتنزل على موقع الجامعة الالكتروني بس عشان تقدر تنزلها او تطبعها لازم يتوفر عندك برنامج معين وهدا شي ماكان عند أختكم في الله فتعودت اني اخدها من صحباتي وطبعا الجدول بيكون مزكور في عادة بس المادة ووقتها من غير أرقام القاعات وعشان تعرفها لازم تروح عند الكلية وتشوفها في السبورة معلقة وكل مادة وتاريخها وزمن الاختبار فيها
وبس جيت انا أختكم بعد ماأخدت الجدول من صحباتي كعادتي وعرفت المواد  وقاعاتها

قلت لنفسي خلاص ياسلمى اتأكدت ليروح عليكي الاختبار وتجي في وقت متأخر خاصة ان الأختبارين عند نفس الوقت أي من 1-3  الظهر وكان  كل همي ساعاتها ان اتأكد ان الوقت حق الأختبارين صحيح وان لايكونو في ا لصباح وانا أروح الظهر بعد ما ينفض المولد على قولتهم
 ورجعت البيت وكلي اصرار على الاجتهاد عشان لازم أرفع معدلي و رحت درست المواد الصعبة كلها و أكدت عليها والمواد السهلة زي ادارة انتاج قلت مافي داعي اني أضيع وقت عليه ومسكت مواد أكثر صعوبة زي نظم ادارية وما كدبت خبر ودرست نظم وتعبت فيها وخاصة انها مادة طويلة جدا وجاء وقت الامتحان حيث يكرم المرء أو يهان واللي صار لي بعد كدة ماكان لا على البال ولا على الخاطر
جاء الموعد والساعة اقتربت من الثانية عشرة وجا السائق المخلص ورفيق الدرب مند الطفولة وطلعنا على الطريق وكلي خوف من مادة النظم ومن اني أكيد حأنسى بعض المعلومات المهمة وجلست طول الطريق أنا أراجع في المادة اللي مابتحفظ معايا
 وفجأة دق الجوال ورديت وكانت صحبتي بتطمن عليا وبتسألني كيف المادة معايا
  قلتها الحمدلله أنا تعبت فيها وان شاء الله ربنا ماحيضيع تعبي وسألتها بدوري وانت كيف المادة معاك قالت لي المادة سهلة بس براجع شوية في المسائل الحسابية
 استغربت وقتها من شيئين أولها ان المادة لا يمكن أن يقال عنها سهلة بتاتا ثانيا ما في مسائل حسابية في المادة و بلعت ريقي من الفكرة اللي خطرت لي وقلت في نفسي ياحرام شكلها البنت دارسة مادة ثانية وقمت بما بقي عندي من شجاعة وقلت لها أيت مسائل ياماما المادة كلها نظري 

قامت البنت سكتت وما عرفت أن قاعدة أمزح معها أو بتكلم من جدي قالت لي سلمى انت اش قاعدة تقولي قلتها مباشرة بعد ماحسيت عن أيت مادة بتتكلم  قلتها والخوف ينهشني اليوم عند نا مادة نظم البنت انصدمت وأنا قعدت أعيد على مسامعها المادة الصحيحة قالت وقد شعرت ان في اللحظة هادي بزات اني أنا الغلطانة أكلمك بعد شوية يا سلمى . وأغلقت الهاتف وكلي رعب أكون أنا الغلطانة
 اتصلت على طول بصديقتي سماء وقلت لها على طول اليوم نظم ولا ادارة انتاج ضحكت وقالت لي اشبك اليوم حابة تمزحي قبل الاختبار وأعدت السؤال عليها مرة اخرى ؤحاسة ان قلبي في حنجرتي وللأسف أكدت أسوء مخاوفي وقالت اليوم ادارة انتاج قلت لها أنا درست نظم قالت  بعد ماأحست اني جادة وينك قلت على الطريق وكان باقي على الاختبار اقل من ساعة الا ربع قالت ماعندك كتاب تراجعي بسرعة قلت لها ماعندي قالت خلاص تعالي الجامعة وحاولي تراجعي من أي بنت ولا تخافي المادة سهلة ولسة احنا الأسبوع الماضي اختبارنا الدوري الثاني اللي كان نص الكتاب الى نهايتة والنص الأول سهل وما يحتاج له كتير من الدراسة . وقفلت السماعة وأنل عندي احساس ان كل هدا كابوس وبعد شوية لاحظ السائق مافي من مصائب وقال اش في وشرحت له الوضع وأنا كل ماأسمع نفسي يزيد احساسي انه دا كابوس 
 اتصلت بعد قليل صحبتي اللي فجعتها وخوفتها قلت خلاص عرفت أنا الغلطانة قالت تعالي الجامعة أنا موجودة ولا تخافي المادة سهلة. وخلص الكلام  .
 وانا صار كل هاجسي اني هأرسب ورح أعيد المادة وهي مابتستاهل وصرت أفكر أروح عند الأستادة وأشرحلها اللي صار وان ماكان عن اهمال و لكن عن حرص زايد وقلت لا أكيد حتعملي مسرحية وحتتلف أعصابي أكثر من التلف اللي فيها وصلت الجامعة  بعد ماشفت الطريق كأنه لا ينتهي 
والمرة القادمة ححكي اش الي صار بعد كدة وكيف كانت الدرجة وإزا كنت نجحت ولا حملت المادة وكيف كانت الأسئلة وماهو موقف أهلي وكل الكوميديا بعد كدة  عشان خلاص تعبت وأنا أسترجع الزكريات المؤلمة 
ومع ألففففف سلامة وان شاء الله تكون أعجبتكم القصة الى الان وماتكونو أصبتو بالملل ....
وكل سنة وانتو طيبين والى الله أقرب ....